पुणे : कार घेण्यासाठी माहेरहून सहा लाख रुपये आणि पाच तोळे सोने आणण्यासाठी सासरच्या मंडळींनी सुनेचा छळ करून तिला उपाशी ठेवल्याची घटना उत्तमनगरमध्ये घडली आहे. या प्रकरणी पती, सासू आणि नणंदविरोधात उत्तमनगर पोलिस ठाण्यात गुन्हा दाखल करण्यात आला आहे.
सिद्धार्थ विठ्ठल नागरगोजे (पती), अंजना विठ्ठल नागरगोजे (सासू), धनश्री उत्तम बेंद्रे (नणंद), दीपाली सागर ढाकणे (नणंद) आणि वैशाली मंगेश बडे (नणंद) अशी गुन्हा दाखल करण्यात आलेल्यांची नावे आहेत. या प्रकरणी नम्रता नागरगोजे यांनी फिर्याद दिली आहे.
या गुन्ह्याबाबत पोलिसांनी दिलेल्या माहितीनुसार, नम्रता आणि सिद्धार्थ यांचे काही महिन्यांपूर्वी लग्न झाले होते. लग्नानंतर सासरच्या मंडळींनी नम्रता यांना चांगल्या पद्धतीने वागविले. त्यानंतर ''कार घेण्यासाठी माहेरहून ६ लाख रुपये रोख आणि ५ तोळे सोने घेउन ये. नाहीतर आमच्या इथे राहू नकोस'' असे सांगितले. त्यानंतर पती सिद्धार्थने नम्रताला उपाशी ठेवून लाथा-बुक्क्यांनी मारहाण केली.
- पुण्याच्या बातम्या वाचण्यासाठी येथे ► क्लिक करा
सासरच्या रोजच्या त्रासाला कंटाळून नम्रता यांनी आई-वडिलांना याबाबत माहिती दिली. त्यानुसार तिच्या आई-वडिलांनी नम्रताच्या सासरच्या मंडळींना समजावून सांगण्याचा प्रयत्न केला. मात्र, त्यांनी नम्रता यांना नांदविण्यास नकार दिला. सासरच्यांचा त्रास सुरूच राहिल्याने याबाबत फिर्याद देण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.