पुणे : भाजपचे मुंबईचे अध्यक्ष, आमदार मंगलप्रभात लोढा यांच्यासह त्यांच्या मुलाविरोधात खंडणी आणि फसवणुकी प्रकरणी गुन्हा दाखल करण्यात आला आहे. पुण्यातील चतु:शृंगी पोलीस ठाण्यात शुक्रवारी हा गुन्हा दाखल करण्यात आला. लोढा यांच्या विरोधात फौजदारी दावा महिलेने शिवाजीनगर सत्र न्यायालयात दाखल केला होता. यामध्ये लोढा यांच्यावर गुन्हा दाखल करण्याची मागणी केली होती. त्यानंतर न्यायालयाच्या आदेशाने लोढा यांच्यासह तिघांविरोधात गुन्हा दाखल करण्यात आला.
ज्वाला रिअल इस्टेट प्रा. लि. व मायक्रोटेक डेव्हलपर्सचे मालक मंगलप्रभात लोढा, त्यांचा मुलगा अभिषेक तसेच सुरेंद्रन नायर यांच्याविरोधात गुन्हा दाखल केला आहे. खंडणी, फसवणूक, धमकी या प्रकरणी एका ५३ वर्षीय महिलेने फिर्याद दिली आहे. फिर्यादी महिला वकील असून चतु:शृंगी भागात राहतात. लोढा यांचे कार्यालय मुंबईतील महालक्ष्मी भागात अपोलो मिल कंपाऊंडमध्ये आहे.
महत्त्वाची बातमी : कोरोनातही जल्लोषात साजरा केला 'शेहनशहा' बैलाचा वाढदिवस, YouTube ची लिंक पाहून पोलिस आले घरी
''फिर्यादीला मुंबईत फ्लॅट घ्यायचा होता वरळी भागात असलेल्या लोढा पार्कमधील ‘मार्किंग्ज’ गृहप्रकल्पात प्लॅट खरेदी करण्याचे त्यांनी ठरविले. या फ्लॅटची मुळ किंमत पाच कोटी ५९ लाख २७ हजार रुपये ठरविण्यात आले होती. लोढा यांना 2013 नंतर फिर्यादी महिलेने वेळोवेळी 3 कोटी 92 लाख रुपये दिले. मात्र, मागील 9 वर्षात फ्लॅटचा ताबा मिळाला नाही. त्यामुळे फ्लॅट खरेदी करण्याचा निर्णय घेतला. त्यानंतर लोढा आणि नायर यांनी फिर्यादी महिलेला धमकावण्यास सुरुवात केली. ''4 कोटी 15 लाख 15 हजार एवढी वाढीव रक्कम भरा, अन्यथा फ्लॅट खरेदी करार रद्द करण्यात येईल तसेच यापूर्वी भरण्यात आलेली रक्कम देखील जप्त करण्यात येईल'' अशी धमकी दिल्याचे महिलेच्या फिर्यादीत म्हटले आहे.
लोढा यांनी आजतागायत फ्लॅटचा ताबा दिलेला नाही आणि मला धमकावून खंडणी मागितली,’ असा फौजदारी दावा महिलेने शिवाजीनगर सत्र न्यायालयात दाखल करून गुन्हा दाखल करण्याची मागणी दाव्याद्वारे केली होती. त्यानंतर न्यायालयाच्या आदेशाने लोढा यांच्यासह तिघांविरोधात गुन्हा दाखल करण्यात आला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.