Narayangav Crime : तरुणीकडून वेश्याव्यवसाय करून घेणाऱ्या महिलेवर गुन्हा दाखल

नारायणगाव - धनगरवाडी (ता. जुन्नर) येथील येडगाव रस्त्यालगत असणाऱ्या स्वमालकीचे खोलीत स्वतःचे फायदयासाठी तरुणीकडून वेश्याव्यवसाय करून घेत असल्या प्रकरणी पोलिसांनी सुनिता प्रवीण वाजगे (वय-५३, राहणार धनगरवाडी, ता. जुन्नर) या महिलेवर गुन्हा दाखल केला आहे.

अशी माहिती सहायक पोलीस निरीक्षक पृथ्वीराज ताटे यांनी दिली.या प्रकरणी पोलीस नाईक दिनेश दत्तात्रय साबळे यांनी दिलेल्या फिर्यादीवरून नारायणगाव पोलिसांनी महिलेवर आज सायंकाळी अनैतिक व्यापार प्रतिबंधक कायदा १९५६ चे कलम ३,४,५,७ (१), (ब) नुसार गुन्हा दाखल केला आहे.

सदरची कामगीरी पोलीस अधिक्षक अंकित गोयल, अपर पोलीस अधिक्षक मितेश घटटे,उपविभागीय पोलीस अधिकारी मंदार जवळे यांच्या मार्गदर्शनाखाली नारायणगाव पोलिस स्टेशनचे सहायक पोलीस निरीक्षक पृथ्वीराज ताटे पृथ्वीराज ताटे, हवालदार प्रियंका लोंढे, दिनेश साबळे, मंगेश लोखंडे, सचिन कोबल, गोरक्ष हासे, शैलेश वाघमारे, पुजा शहा यांच्या पथकाने केली आहे.