पाकिस्तान जिंदाबाद घोषणांच्या कथित व्हिडिओ प्रकरणी देशद्रोहाचा गुन्हा दाखल

राष्ट्रीय तपास एजन्सीनं (NIA) पुण्यासह देशभरात पॉप्युलर फ्रन्ट ऑफ इंडिया (PFI) या संघटनेवरील छापेमारीविरोधात शनिवारी पुण्यात आंदोलन केलं. यावेळी 'पाकिस्तान जिंदाबाद' आणि 'अल्लाह हूं अकबर' अशी घोषणाबाजी करण्यात आल्याचा धक्कादायक प्रकार समोर आला होता.

दरम्यान पाकिस्तान जिंदाबाद व्हिडिओ प्रकरणातील आरोपींवर पोलिसांकडून देशद्रोहाचा गुन्हा दाखल करण्यात आला आहे. गृहमंत्री देवेंद्र फडणवीस यांच्या आदेशानंतर पुणे पोलिसांकडून देशद्रोहाचा गुन्हा दाखल दाखल केला आहे. पुण्यात पीएफआय कार्यकर्त्यांनी आंदोलनात पाकिस्तान झिंदाबादची घोषणा दिल्याच्या एका व्हिडीओत ऐकायला मिळत आहे. या सर्व आंदोलकांवर कलम १५३,१२४, १०९, आणि १२० अंतर्गत गुन्हे दाखल करण्यात आले आहेत.

कथित व्हिडीओचा आधार घेत गुन्हे दाखल करण्यात आला आहेत. यामुद्दावर महाराष्ट्रातील राजकारण तापले आहे. राजकीय नेत्यांनी याबाबत संतप्त प्रतिक्रिया दिल्या आहेत.

दरम्यान शुक्रावारी मुख्यमंत्री एकनाथ शिंदे यांनी ट्विट केले होते. पुण्यात ज्या समाजकंटकांनी पाकिस्तान झिंदाबादचे नारे दिले त्या प्रवृत्तीचा करावा तेवढा निषेध कमीच आहे. पोलीस यंत्रणा त्यांच्याविरोधात योग्य ती कारवाई करेलच, पण शिवरायांच्या भूमीत असले नारे अजिबात सहन केले जाणार नसल्याचे शिंदेंनी म्हटले होते.