
पुणे - मुसळधार पाऊस पडल्यानंतर शहरात निर्माण होणाऱ्या पूरस्थितीवर नियंत्रण आणण्यासाठी केंद्र सरकारकडून अडीचशे कोटी रुपयांचा निधी महापालिकेला देणार आहे. यासाठी महापालिकेने तयार केलेल्या आराखड्यात केंद्र सरकारने सुधारणा सुचविल्या आहेत.
पाणी वाहून जाणाऱ्या व्यवस्थेऐवजी पावसाचे पाणी जमिनीत कसे मुरावे, भूजल पातळी वाढावी अशा कामांचा समावेश करावा असा सूचना करून सुधारित आराखडा मागविला आहे.
केंद्र शासनाने शहरी पूर जोखीम व्यवस्थापन (अर्बन फ्लड रिस्क मॅनेजमेंट ) योजना तयार केली आहे. यामध्ये पुणे, मुंबई, चेन्नई, कोलकता, बंगळूर, हैदराबाद, अहमदाबाद या सात शहरांतील पूरस्थिती रोखण्यासाठी अडीच हजार कोटी रुपयांची योजना तरतूद केली आहे. या योजनेसाठी महापालिकेने आराखडा तयार करून तो राष्ट्रीय आपत्ती व्यवस्थापन प्राधिकरणाकडे सादर केला होता.
यामध्ये टेकड्यांवर पाणी जिरविण्यासाठी चर खोदणे, पूर येणाऱ्या नाल्यांवर कलव्हर्ट बांधणे, नाल्यांचे ड्रोन द्वारे मॅपिंग करणे, महत्त्वाच्या ठिकाणी पावसाळी गटार बदलणे, पूर स्थितीवर नियंत्रण ठेवण्यासाठी कमांड ऍड कंट्रोल सेंटर उभारणे, नाल्यांवर गॅबियन वॉल उभारणे, पर्जन्यमापकांची संख्या वाढविणे, समाविष्ट गावांसह जुन्या हद्दीत पावसाळी गटारांची संख्या वाढवणे, धोकादायक ठिकाणी कॅमेरे बसविणे-सेन्सर बसविणे अशी कामे यातून केली जाणार आहेत.
महापालिकेच्या या आराखड्यासंदर्भात केंद्र शासनाने बदल सुचविले आहेत. या योजनेतून पावसाचे पाणी जमिनीत मुरण्यासाठी टेकडी, नाले, उद्याने, मोकळ्या जागा या ठिकाणी चर खोदावे, बंधारे बांधावेत, रेनवॉटर हार्वेस्टिंगची व्यवस्था करणे यावर जास्त निधी खर्च करावा.
पावसाळी गटारांची संख्या वाढवून पाणी वाहून जाण्याची व्यवस्थेसाठी कमी खर्च करावा अशी सूचना करून आराखडा तयार करण्याचे आदेश दिले आहेत. त्यानुसार पुढील कार्यवाही सुरू आहे, असे आयुक्त विक्रम कुमार यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.