पौडरस्ता (पुणे) : चांदणी चौक उड्डाणपुलाच्या कामासाठीचे भूसंपादन 31 ऑक्टोबर पर्यंत पूर्ण करण्याचे आश्वासन अधिकाऱ्यांनी केंद्रीय मंत्र्यांना दिले होते. त्याची टाईमलाईन संपूण गेल्यामुळे वेगवेगळ्या मार्गाने दबाव आणून आम्हाला घराबाहेर काढण्याचा प्रयत्न चालला असल्याचा आरोप स्थानिक रहिवाशांनी केला. डाव्या भुसारीतील व्यंकेटेश्वरा हाईटस या इमारतीमधील एका घराचा काही भाग महापालिकेच्या कर्मचाऱ्य़ांनी तोडला. सरकारने जाहीर केलेली भरपाई रक्कम मान्य नसल्याने अनेक जणांचा या संपादनाला विरोध आहे.
''आमच्या प्रश्नांची उत्तरे महापालिका अधिकारी देत नाहीत.' , असे नागरिकांचे म्हणणे आहे. कोणाच्या तरी आग्रहासाठी आमचा बळी देणे कितपत योग्य ?, असा सवाल नागरिकांकडून केला जात आहे.
''चांदणी चौक उड्डाणपुलाच्या नकाशात वेळोवेळी संशयास्पदरित्या बदल झाले आहेत. बळींच्या यादीत आता आमचेही नाव लागले गेले आहे. केंद्र सरकारने बळी घेतला तर तो स्वर्गामध्ये. राज्य सरकारने बळी घेतला तर तो नरकामध्ये आणि महानगरपालिकेने बळी घेतला तर तो अधांतरी हा कुठला न्याय आहे.''
- पुजा दहिभाते (परमार हाईटस)
''माझ्या जागेचा मी अजून ताबा दिलेला नाही. तरीही आमची पाण्याची लाईन काटली. पाण्याची मोटार गायब केली. दडपण आणून आम्हाला येथून बाहेर काढण्याच्या प्रयत्नात अधिकारी लोक आहेत. अनाधिकृत बांधकामवाल्यांना जास्त पैसे आणि अधिकृत घर मालकांना कमी पैसे हा अन्याय आहे.''
- साळुंके ज्ञानोबा चंदू
मी 2 'बीएचके'चा मालक आहे. महापालिका माझ्या घराचा देत असलेल्या मोबदल्यात मला याच भागात तेवढ्याच आकाराचे दुसरे घर मिळू शकत नाही. महापालिकेच्या कोणत्याही अधिकाऱ्याने आमच्याशी संपर्क साधलेला नाही. जागेचा कापण्यात येणारा घसारा, जीएसटी, इतर कर आदींचा विचार करता आमचे फार मोठे नुकसान होणार आहे. कमी मोबदल्यात आम्ही आमची जागा का द्यायची.
- बाळासाहेब कदम (शरदस्नेह)
रहिवाशांनी उपस्थित केलेले प्रश्न
- चांदणीचौक उड्डाणपुलाच्या आराखड्यात वेळोवेळी संशयास्पदरित्या बदल का केले ?
- भूसंपादन नेमके कोण करणार आहे ? महापालिका की राष्ट्रीय महामार्ग ?
- जागेची किंमत (व्हॅल्यूएशन) कोणत्या तत्वानुसार ठरवली ?
- काही संस्था, व्यक्तींना विशेष भरपाई देण्याची शिफारस महापौरांनी का केली ?
- भरपाई देताना वेगवेगळा न्याय का?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.