पुणे : राज्य सरकारची महात्मा फुले जनआरोग्य योजना, आयुष्मान भारत योजना या धर्मादाय रुग्णालयांमध्ये लागू करण्याचे निर्देश विधी व न्याय विभागाने राज्यातील सर्वच धर्मादाय रुग्णालयांना दिले आहेत. परंतु, या योजना लागू करण्यास पुण्यातील धर्मादाय रुग्णालये उदासीन आहेत. पुणे, पिंपरी-चिंचवड व ग्रामीण भाग मिळून ५८ धर्मादाय रुग्णालये आहेत. त्यापैकी काही वैद्यकीय महाविद्यालये असलेले रुग्णालये योजनेत आहेत. परंतु, जी कॉर्पोरेट व नामांकित रुग्णालये आहेत, त्यांच्याकडून प्रतिसाद मिळत नाही.