बारामतीकर डॉ. धनंजय घनवट यांना मुख्यमंत्री विशेष सेवा पदक

मूळचे बारामतीकर असलेले व सध्या आसामची राजधानी गुवाहाटी येथे कार्यरत असलेले डॉ. धनंजय घनवट यांना मुख्यमंत्री विशेष सेवा पदक
Dhanajay Ghanwat
Dhanajay GhanwatSakal

बारामती : मूळचे बारामतीकर असलेले व सध्या आसामची राजधानी गुवाहाटी येथे कार्यरत असलेले पोलिस अधीक्षक डॉ. धनंजय घनवट यांना त्यांच्या दैदीप्यमान कामगिरीबद्दल मुख्यमंत्री विशेष सेवा पदक जाहिर झाले आहे.

आसामचे मुख्यमंत्री डॉ. हेमंत विश्व शर्मा यांनी डॉ. घनवट यांना या विशेष सेवा पदकाची घोषणा केली होती. आसाम पोलिस दिनाच्या दिवशी येत्या 1 ऑक्टोबर रोजी होणा-या एका शानदार कार्यक्रमात त्यांना हे पदक प्रदान केले जाणार आहे.

मूळचे बारामतीकर असलेले डॉ. धनंजय घनवट यांनी आसाममधील बंडखोरीविरुध्दच्या कारवाया, नागरिकांना उत्तम सेवा प्रदान करणे, आसाम पोलिस सायबर डोम ही अभिनव संकल्पना राबविणे, कोविडच्या काळात रुग्णांची काळजी घेणा-या 500 स्वयंसेवकांचे सोशल कॉल सेंटर उभारण्यासाठी कोविड सेंटीनेल नावाचा प्रकल्प कार्यान्वित करणे, महत्वाचे फौजदारी खटले निकाली काढणे, गेंड्याची शिकार रोखण्यासाठी प्रतिबंधक कारवाई करणे, विज्ञान व तंत्रज्ञान धोरणात एमईसीचा पाठपुरावा करण्याच्या प्रयत्नाबद्दल प्रतिष्ठित चेव्हनिंग आंतरराष्ट्रीय शिष्यवृत्ती प्राप्त करणे या सारख्या विविध कामांची दखल घेत आसामच्या मुख्यमंत्र्यांनी डॉ. धनंजय घनवट यांना मुख्यमंत्री विशेष सेवा पदक जाहीर केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com