- पांडुरंग साठेकोळवण - सह्याद्रीच्या कुशीत विसावलेल्या ऐतिहासिक मुळशी व मावळ तालुक्याच्या सिमेवर डौलात उभा असणाऱ्या तिकोणा गडावर शासनाचे पुरातत्व विभाग व विविध संस्था संघटनांकडून संवर्धनाचे कार्य सुरू आहे..या संवर्धन कार्याच्या कामासाठी पाण्याचा मोठ्या प्रमाणात करावा लागणारा वापर व यावर्षीचा तीव्र उन्हाळा यामुळे तिकोणा गडावरील तळजाई हे पाण्याचे टाके अनेक वर्षानंतर कोरडे पडले होते.या टाक्यात साचलेले दगड गोठे व गाळ उपसल्यास या टाक्याचे पाणी स्वच्छ होण्यास व साठवण क्षमता वाढण्यास मदत होणार होती हि बाब ओळखून श्री शिवदुर्ग संवर्धन संस्था पुणे व सह्याद्री आणी मी परिवाराच्य वतीने स्वच्छता मोहीम आयोजित करण्यात आली होती. या मोहिमेत मुळशी व मावळ तालुक्यातील शेकडो मावळे सहभागी झाले होते..तिकोणा गडावरील तळजाई टाकीमधील तब्बल दीडशे वर्षांपासून साचलेला गाळ, माती आणि दगड काढून स्वच्छ करण्याचे कार्य या मोहिमेत मोठ्या प्रमाणावर करण्यात आले.या दुर्गसेवेसाठी श्री शिवदुर्ग संवर्धन पुणे, सह्याद्री आणि मी परिवार, सह्याद्री भटकंती सामाजिक प्रतिष्टान, स्वराज्याचे शिलेदार, व अखिल शिवजन्म उत्सव समिती भुगाव येथून दुर्गप्रेमी मावळ्यांनी उत्स्फूर्त सहभाग घेत श्रमदान केले..हे पाण्याचे टाके खूपच मोठे व खोल असून त्याची चारही बाजूची तटबंदी ढासळली असल्याने गेल्या अनेक वर्षांपासून त्यामध्ये मोठ्या प्रमाणात दगड व गाळ साचलेला आहे. तो काढण्यासाठी आणखी खूप काम करावे लागणार आहे. त्यासाठी शिवप्रेमीची गडप्रेमींची तन-मन-धन पूर्वक मोठी मदत लागणार आहे. यासाठी पुढे यावे असे आवाहन श्रीशिवदुर्ग संवर्धन संस्थेचे पदाधिकारी राजेश नेलगे यांनी केले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
