पुणे - राज्यासह पुणे शहरात थंडीची लाट कायम आहे. पुणे शहरात या हंगामातील सर्वांत कमी तापमानाची नोंद झाली आहे. उत्तरेकडून येणाऱ्या थंड वाऱ्यांमुळे मध्य महाराष्ट्रासह पुण्यात गेल्या काही दिवसांपासून किमान तापमानात लक्षणीय घट झाली आहे..सलग तिसऱ्या दिवशीदेखील शहरातील पारा १० अंश सेल्सिअसच्या खाली नोंदविण्यात आला असून पुणेकर गारठून गेले आहेत. पुढील दोन दिवस हवामान स्थिर राहणार असल्याची शक्यता भारतीय हवामानशास्त्र विभागाने वर्तविली आहे..पुणे परिसरात तीन दिवसांपासून किमान तापमान १० अंश सेल्सिअसच्या खाली नोंदविण्यात येत आहे. बुधवारी ८.४, गुरुवारी ७.९, तर शुक्रवारी ८.३ अंश सेल्सिअस नोंदविण्यात आले. आकाश निरभ्र आणि कोरड्या वातावरणामुळे दिवसभर हवेत गारवा जाणवत आहे.उपनगरांमध्ये थंडीचा कडाका अधिक तीव्र जाणवत आहे. पुढील दोन दिवसांत कमाल आणि किमान तापमान स्थिर राहणार असल्याचे हवामानशास्त्र विभागाने सांगितले आहे..पुणे परिसरामध्ये शनिवारी (ता. १३) किमान तापमानात किंचित वाढ होणार असून ९ अंश सेल्सिअस तर कमाल तापमान २९ अंश सेल्सिअस इतके नोंदविण्यात येणार आहे. आकाश मुख्यतः निरभ्र राहून सकाळी विरळ धुके पडण्याची शक्यता आहे..सोमवारपासून (ता. १५) कमाल आणि किमान तापमानात किंचित वाढ होण्याची शक्यता आहे. कमाल तापमान ३० अंश सेल्सिअसपर्यंत, तर किमान तापमान १० अंश सेल्सिअसपर्यंत नोंदविण्यात येणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
