पुणे : लॉकडाऊनच्या काळातील सरासरी वीजबिल पाठविण्यात आलेले आहे, कोणताही अतिरिक्त शुल्क आकारलेले नाही,' असा महावितरणने केलेला दावा पोकळ असल्याचे समोर आले आहे. प्रत्यक्षात शहरातील अनेक ग्राहकांना महावितरणकडून पाठविण्यात आलेल्या वीजबिलात अनेक घोळ असल्याचे समोर आले आहे. झालेली चूक निदर्शनास आणून देण्यासाठी गेल्यानंतर देखील महावितरणकडून मात्र उडवाउडवीची उत्तरे दिली जात असल्याच्या तक्रारी नागरिकांकडून मोठ्या प्रमाणावर येऊ लागल्या आहेत.
कोरोनाचा प्रादुर्भाव रोखण्यासाठी राज्य सरकारकडून तीन महिन्यांचा लॉकडाऊन लागू करण्यात आला. त्यामुळे या काळात महावितरणकडून घरोघर जाऊन मीटर रीडिंग बंद करण्यात आले होते. या कालावधीतील वीजबिल हे सरासरी वीजबिल पाठविण्यात येईल, असे महावितरणकडून सांगण्यात आले होते. त्यानुसार ग्राहकांना जे वीजबिल पाठविण्यात आले. त्यापैकी बहुतांश नागरिकांनी ते बिल आदा केले. मात्र, या महिन्यात महावितरणकडून रीडिंग घेणे सुरू करण्यात आले आहे. त्यानंतर जे बिले ग्राहकांना पाठविण्यात आली आहेत. त्यामध्ये अनेक प्रकाराचे घोळ असल्याचे समोर आले आहे.
पुण्याच्या बातम्या वाचण्यासाठी येथे ► क्लिक करा
एप्रिल आणि मे महिन्यातील वीजबिल भरले आहे. तरीदेखील जून महिन्यांच्या बिलामध्ये त्याचा समावेश करण्यात आला आहे. दरमहिना सरासरी वीज वापर हा 124 ते 130 युनिट असताना देखील सहाशे युनिटपेक्षा अधिक वीजवापर धरून बिल पाठविण्यात आले आहे. या व अशा अनेक स्वरूपाच्या तक्रारी नागरिकांकडून सकाळकडे आल्या आहेत. यासंदर्भात महावितरणकडे चौकशी गेल्यानंतर त्यांच्याकडून उडवाउडवीची उत्तरे दिली जात असल्याचे ग्राहकांकडून सांगण्यात आले. यावरून महावितरणच्या या कारभारामुळे नागरिकांमध्ये संतापाचे वातावरण पसरले आहे.
पुण्याच्या बातम्या वाचण्यासाठी येथे ► क्लिक करा
एप्रिल आणि मे चे बिल भरून देखील जून महिन्यांच्या बिलात ती रक्कम कपात करण्यात आलेली नाही. दर महिना साधारणपणे आठशे रुपये वीजबिल येते. ते 3 हजार रुपये पाठविले आहे. महावितरणच्या कार्यालयात चौकशीसाठी गेल्यानंतर कोणतीही मदत करण्यास तयार नाही. उलट उडवाउडवीची उत्तरे दिली जात आहेत.
- ऊर्मिला पंडित, रेव्हेन्यू कॉलनी, शिवाजीनगर.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.