पुणे : राज्य सरकारने पावसाळी अधिवेशनात मंजूर केलेल्या जनसुरक्षा कायद्याविरोधात पुणे शहर जिल्हा काँग्रेस कमिटीतर्फे जिल्हाधिकारी कार्यालयासमोर शुक्रवारी आंदोलन करण्यात आले..हा कायदा लोकशाही विरोधी आणि संविधानाच्या मूलभूत हक्कांना पायदळी तुडवणारा असल्याचा आरोप यावेळी आंदोलकांनी केला. तसेच संविधानिक मार्गाने काम करणारे विरोधी पक्ष, संघटना, शिव शाहू फुले आंबेडकरवादी संघटना, पुरोगामी, शेतकरी कामगार संघटना यांना संपवण्यासाठी सरकार या कायद्याचा वापर करणार असल्याची शक्यता यावेळी काँग्रेसचे शहराध्यक्ष अरविंद शिंदे यांनी व्यक्त केली. .ते म्हणाले, ‘‘हा कायदा सरकारला त्यांच्यावर टीका करणाऱ्या विरोधक, सामाजिक कार्यकर्ते व पत्रकारांवर विनाचौकशी कारवाई करण्याचे अधिकार देतो. जनतेच्या अभिव्यक्ती स्वातंत्र्यावर गदा आणणारा हा जुलमी कायदा असून तो लोकशाही विरोधी आणि संविधानाच्या मूलभूत हक्कांना पायदळी तुडवणारा आहे.’’.या कायद्याविरोधात पुणे शहर जिल्हा काँग्रेस कमिटीतर्फे जिल्हाधिकारी जितेंद्र डुडी यांना निवेदन देण्यात आले.याप्रसंगी प्रदेश काँग्रेस कमिटीचे सरचिटणीस ॲड. अभय छाजेड, माजी नगरसेवक लता राजगुरू, अजित दरेकर, रफिक शेख, कामगार नेते सुनील शिंदे, मेहबूब नदाफ आदी उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
