जैवविविधतेत सर्व प्राण्यांचे संवर्धन होणे गरजेचे : बेदी

पुणे - ‘‘वन्यजीव म्हटलं की सर्वप्रथम वाघांच्या संख्येचा विचार गांभीर्याने केला जातो. परंतु, इतर प्राण्यांची संख्यादेखील कमी होत आहे. याबाबत फारसा विचार होत नाही. वन्यजीवांच्या वस्तुस्थितीची लघुचित्रपटांच्या माध्यमातून दखल घेतली जाऊ शकते,’’ असे मत ‘वसुंधरामित्र’ पुरस्काराचे मानकरी व वन्यजीव चित्रपट निर्माते विजय बेदी यांनी व्यक्त केले.

ताज्या बातम्यांसाठी डाऊनलोड करा ई-सकाळचे ऍप

किर्लोस्कर वसुंधरा आंतरराष्ट्रीय चित्रपट महोत्सवात बेदी यांच्या वार्तालापाचे आयोजन केले होते, त्या वेळी ते बोलत होते. ते म्हणाले, ‘‘शासकीय पातळीवर वाघ, सिंह, हत्ती या प्राण्यांच्या संवर्धनासाठी विविध नियम केले आहेत. परंतु, जैवविविधतेच्या चक्रात छोट्या प्राण्यांची भूमिकाही महत्त्वाची असते. मात्र, त्यांच्या संवर्धनाबाबत गांभीर्य बाळगले जात नाही. त्यासाठी सरकारने योग्य धोरण आखणीची गरज आहे.’’ या वेळी सुप्रिया चित्राव उपस्थित होत्या. रेड पांडावर बनविलेल्या लघुपटासाठी बेदी यांना ‘ग्रीन ऑस्कर’सह अनेक आंतरराष्ट्रीय पुरस्कार मिळाले आहेत.

पुणे :..अन् रिक्षाचालकाने अनुभवले वर्दीतील 'देवदूत'

लहान प्राण्यांच्या संवर्धनासाठी लघुपटाची निर्मिती करणार आहे. वन्यजीवांवरील लघुपट तयार करताना केवळ मनोरंजनाचा विचार होता काम नये, तर त्यातून जनजागृती होण्यावर भर दिला पाहिजे.
- विजय बेदी, वन्यजीव चित्रपट निर्माते