पुणे : सावित्रीबाई फुले पुणे विद्यापीठात पदव्युत्तर पदवीच्या प्रवेश परीक्षा अर्ज भरताना जातीचा दाखला, फोटो व स्वाक्षरी हेच अनिवार्य आहे. इतर कागदपत्रे नसले तरी विद्यार्थांना अर्ज भरता येईल, असे शैक्षणिक विभागाने स्पष्ट केले आहे.
दरम्यान, याबाबत संकेस्थळांवर खुलासा नसल्याने विद्यार्थांचा गोंधळ उडत आहे. पुणे विद्यापीठातील विविध विभागातील प्रवेशासाठी प्रवेश परीक्षा अनिवार्य आहे. त्यासाठी १ ते ३० जून या कालावधीत ऑनलाईन अर्ज स्विकारले जात आहेत.
अर्ज करताना विद्यार्थ्यांना जात प्रमाणपत्र, क्रिमिलेअर, वार्षिक उत्पन्नाचा दाखल्याची फोटोकॉपी, पुर्वीची परीक्षा उत्तीर्ण झाल्याची गुणपत्रिका अशी कागदपत्रे अपलोड करण्यास सांगितले जात आहे. अनेक विद्यार्थी लाॅकडाऊन काळात कागदपत्रे पुण्यात ठेऊन गावाकडे गेले आहेत, त्यांच्याकडे अनेक कागदपत्रे नाहीत, त्यामुळे अर्ज भरताना अडचणी येत आहेत, तसेच अर्ज भरला तरी तो बाद होण्याची भीती वाटत आहे.
या पार्श्‍वभूमीवर कागदपत्रांची अट रद्द करावी अशी मागणी केली जात आहे.
अर्ज भरताना कागदपत्रांची मागणी केलेली असली तरी त्यांची सक्ती नाही, जेवढे आहेत तेवढे कागदपत्र द्यावेत.
केवळ जातीचे प्रमाणपत्र, फोटो व स्वाक्षरी आवश्यक आहे. जातीचे प्रमाणपत्रही उपलब्ध नसल्यास विद्यार्थ्यांनी विद्यापीठाला ईमेल करावा, त्यांना सवलत दिली जाईल. कोणाचेही शैक्षणिक नुकसान होणार नाही.-उत्तम चव्हाण, उप कुलसचिव, पुणे विद्यापीठ
मी निलंगा येथे आहे, पण माझे सर्व कागदपत्र पुण्यात रूमवर आहेत, आता फक्त आधार व पॅनकार्ड सोबत आहे. लाॅकडाऊमुळे पुण्यातही जाता येत नाही. त्यामुळे प्रवेश परीक्षेचे अर्ज भरताना कागदपत्र जोडण्याची अट शिथील करावी. -ऋषिकेश सुर्यवंशी, विद्यार्थी
माझ्याकडे १२वीची गुणपत्रिका नाही, त्यामुळे अंदाजे गुण अर्जात भरले आहेत, त्यामुळे पुढे अर्ज बाद होणार की रहाणार माहिती नाही. त्यामुळे सध्या अर्ज भरताना कागदपत्र मागू नये.-ऋषीकेश देशमुख, विद्यार्थी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.