पुणे - पाण्याची मोटर दुरुस्त करताना विजेच्या धक्क्याने एका कामगाराचा मृत्यू झाला. ही घटना घोरपडी गावात घडली. ठेकेदाराच्या निष्काळजीपणामुळे ही दुर्घटना घडल्याचे पोलिस तपासात समोर आले. त्यानंतर मुंढवा पोलिसांनी ठेकेदारावर गुन्हा दाखल केला. .किरण मधुकर उघडे (वय-३२, रा. भीमनगर, मुंढवा) असे मृत्युमुखी पडलेल्या व्यक्तीचे नाव आहे. याबाबत त्यांच्या पत्नीने मुंढवा पोलिस ठाण्यात फिर्याद दिली आहे. पोलिसांनी दिलेल्या माहितीनुसार, किरण उघडे हे ठेकेदाराकडे बिगारी मजुरीचे काम करीत होते..त्यांना विद्युत कामाचा अनुभव नसतानाही ठेकेदाराने त्यांना पाण्याची मोटर दुरुस्ती करण्यास घरी पाठवले. वीज पुरवठा बंद न करता पाण्याची मोटर दुरुस्त करताना विजेचा धक्का लागल्याने किरण उघडे यांचा मृत्यू झाला. पुढील तपास मुंढवा पोलिस उपनिरीक्षक भीमराव मांजरे करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
