अरे बापरे ! पुणे- नगर रस्त्याचे काम अर्धवट सोडून कंत्राटदार गायब...

शिक्रापूर (पुणे) ) : लॉकडाउनमुळे सुनसान झालेल्या पुणे- नगर रस्त्यावर फोन केबल व गॅस पाईप लाईन गाडण्यासाठी खड्डे खोदले गेले. मात्र ते न बुजविल्याने महामार्ग उखडण्याच्या स्थितीत आहे. त्यामुळे व्यावसायिकांनाही मोठा फटका बसत असून कोणीच दखल घेत नसल्याने न्यायालयाकडे दाद मागण्याचा इशारा व्यापाऱ्यांचे प्रतिनिधी अ‍ॅड. रावसाहेब करपे यांनी दिला. 

- पुणेकर खवय्यांसाठी 'थोडी खुशी थोडा गम'; वाचा महत्त्वाची बातमी

गेल्या काही दिवसांपासून महामार्गाला अगदी खेटून काही केबल टाकण्याचे काम सुरू आहे. गॅस पाईपलाईनचे काम सुरू असल्याने मजूर सांगतात. प्रत्यक्षात बीएसएनएलची केबल यातून टाकली जातेय, असे ठेकेदार सांगतोय. याबाबत अधिकारी म्हणून कोणीच कामावर येत नसल्याने शिक्रापुरातील व्यापारी हैराण आहे. अर्धवट खड्डे बुजविण्याच्या प्रकाराने अनेक दुकानांपुढे चिखल साठला आहे.

पुण्याच्या बातम्या वाचण्यासाठी येथे ► क्लिक करा

महामार्गाशेजारी असलेल्या करंजे मार्केटसमोर खड्डे खोदल्याने येथील बॅंक, हॉस्पिटल, कापड, हार्डवेअर आदींच्या ग्राहकांना आत जाणेच अशक्य झाले आहे. सार्वजनिक बांधकाम खात्याचे अधिकारी फोन उचलत नसल्याने व्यापारी आंदोलनाच्या तयारीत आहेत. दरम्यान, शिक्रापूर पोलिसांकडे तक्रार दाखल केली असल्याची माहिती करपे यांनी दिली. 

ताज्या बातम्यांसाठी डाऊनलोड करा ई-सकाळचे ऍप

 

मागील वर्षी पाबळ चौकात आम्हाला पुढाकार घेऊन काम करावे लागले होते. यावर्षी नगर महामार्गावरच व्यापारी हैराण असल्याने आम्ही सार्वजनिक बांधकाम खात्याच्या बाबतीत आंदोलनाचा गंभीरपणे विचार करीत आहोत. 
अशोक शहाणे, अध्यक्ष, शिक्रापूर व्यापारी असोसिएशन 
 

बीएसएनएल आणि रिलायन्स गॅस कंपनीने आमच्याकडून खड्डे खोदण्याची परवानगी घेतलेली आहे. मात्र खड्डे बुजविण्याची अट त्यात आहे. कंत्राटदार व संबंधित कंपनीकडून खड्डे न बुजविणे, व्यापाऱ्यांना त्रास होईल असे वागण्याबाबत तक्रारी आल्या असून उद्या (सोमवारी) शिक्रापूर पोलिसांकडे संबंधितांविरुद्ध तक्रार दाखल करून वरिष्ठांकडेही याबाबतचा अहवाल पाठविणार आहे. व्यापाऱ्यांना कुठलाच त्रास होणार नाही, याची दक्षता आम्ही घेत आहोत. 
नवनाथ शेळके, सहायक अभियंता, बांधकाम विभाग, पुणे- नगर महामार्ग