पुणे - ‘राज्यातील सहकारी पतसंस्था आता आंतरराष्ट्रीय सहकार विचारांचे प्रतिनिधित्व करत आहेत. हे सहकार चळवळीच्या नव्या पर्वाचे प्रारंभबिंदू ठरणार आहे. आंतरराष्ट्रीय सहकार वर्षात सहकारी पतसंस्था फेडरेशनची भूमिका महत्त्वपूर्ण आहे..सहकार खात्याने सहकारी पतसंस्था फेडरेशनच्या या सर्व सकारात्मक उपक्रमांना पाठबळ द्यावे,’ असे निर्देश मुख्यमंत्री देवेंद्र फडणवीस यांनी दिले.आंतरराष्ट्रीय सहकार वर्षाच्या पार्श्वभूमीवर राज्य शिखर समितीची महत्त्वपूर्ण बैठक मुख्यमंत्री देवेंद्र फडणवीस यांच्या अध्यक्षतेखाली विधानभवनातील मंत्रिमंडळ सभागृहात सोमवारी (ता. १४) पार पडली. या बैठकीत राज्य सहकारी पतसंस्था फेडरेशनचे अध्यक्ष काका कोयटे यांनी विविध उपक्रमांची माहिती सादर करत सहकार क्षेत्राला जागतिक दर्जाचे रूप देण्याची भूमिका मांडली..या वेळी फडणवीस यांनी फेडरेशनच्या कार्याची प्रशंसा केली. या बैठकीस सहकार मंत्री बाबासाहेब पाटील, कृषी मंत्री माणिकराव कोकाटे, सहकार आयुक्त दीपक तावरे, मुख्य सचिव, राज्य पतसंस्था फेडरेशनच्या मुख्य कार्यकारी अधिकारी सुरेखा लवांडे आदी उपस्थित होते.शिर्डीतील आंतरराष्ट्रीय सहकार परिषदेनंतर, महाराष्ट्रभर सहकार दिंडी, अहमदपूर ते नागपूर सहकार ध्वज संचलन यात्रा ही महत्त्वाकांक्षी योजना प्रस्तावित आहे. बुलडाणा येथे राज्यस्तरीय क्रीडा स्पर्धा, ‘गाव तेथे सहकार चौक’ या अभिनव उपक्रमांचा प्रस्ताव राज्य सरकारपुढे ठेवण्यात आला..तसेच, ॲमेझॉन, फ्लिपकार्टच्या धर्तीवर ‘सहकार बास्केट’ ही डिजिटल संकल्पना सादर केली. यशवंतराव चव्हाण मुक्त विद्यापीठाच्या माध्यमातून सहकारी पतसंस्थांच्या अधिकारी, कर्मचाऱ्यांसाठी पदविका अभ्यासक्रम सुरू करावा. राज्य फेडरेशनने विकसित केलेल्या ‘क्रास प्रणाली’ची अंमलबजावणी करावी, अशी मागणी कोयटे यांनी केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
