कोथरूड (पुणे) : कोथरूडमध्ये काल एक कोरोना बाधित आढळल्यानंतर या रुग्णाच्या आजारी आईचा कोरोना रिपोर्ट सुद्धा पॉझिटिव्ह आला आहे. त्या ज्या खासगी दवाखान्यात उपचार घेत होत्या तेथील 14 कर्मचाऱ्यांची आरोग्य तपासणी करण्यात आली आहे. कोरोना बाधित राहात असलेल्या परिसरातील 28 लोकांना संभाजी विद्यालयात क्वारंटाइन करण्यात आले आहे. त्यांचेही तपासणी अहवाल येणे बाकी आहे. यामध्ये पॉझिटिव्ह रुग्ण आढळल्यास कोथरूडची कोरोना बाधित रुग्णांची संख्या वाढेल अशी भीती सामाजिक कार्यकर्ते समीर जोरी यांनी व्यक्त केली आहे.
कोथरूड परिसरात बाहेरून येणाऱ्या जाणाऱ्या नागरिकांचे प्रमाण वाढले आहे. दुकानदार व ग्राहकांनी बंधने पाळण्याची गरज असताना त्याकडे दुर्लक्ष होत असल्याचे चित्र आहे. ज्या भागात कोरोना रुग्ण आढळतात. तेथील दुकाने बंद केले पाहिजे. परंतु, तेथील विक्रेते पुरेसे सहकार्य करत नसल्याचे आढळले आहे.
दिवा प्रतिष्ठानचे हर्षवर्धन मानकर म्हणाले की, आजपर्यंत कोथरूड ग्रीन झोनमध्ये आहे. परंतु पोलिसांनी वारंवार सांगूनही अनेक लोक रस्त्यावर जत्रा असल्यासारखे वावरत आहेत. दुकानाभोवती खरेदीसाठी गर्दी वाढली आहे. पुरेशी खबरदारी न घेतल्याने कोरोनाचा प्रादुर्भाव वाढण्याची भीती निर्माण झाली आहे. त्यामुळे लोकांनी संयम पाळून पोलिस व महानगरपालिका प्रशासनाच्या सूचनांचे पालन करावे.
पुण्याच्या इतर बातम्या वाचण्यासाठी येथे- क्लिक करा
कोथरूड पोलिस ठाण्याच्या वरिष्ठ पोलिस निरीक्षक प्रतिभा जोशी यांनी सांगितले की, "आवश्‍यकता नसताना बाहेर पडणाऱ्यांचे प्रमाण वाढले आहे. आम्ही वेळोवेळी नागरिकांना याविषयी आवाहन करत आहोत, सूचना दिल्या आहेत. रुग्णालयांमध्ये रुग्णांना भेटायला येणाऱ्यांवर बंदी घालण्याची आवश्‍यकता आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.