कोरोनाच्या पार्श्वभूमीवर आंदर मावळातील रस्त्यांवर दिसताहेत असे संदेश

कोरोनाच्या पार्श्वभूमीवर आंदर मावळातील रस्त्यांवर दिसताहेत असे संदेश
Updated on

टाकवे बुद्रुक : कोरोनाच्या पार्श्वभूमीवर आंदर मावळातील नागरिकांनी शासकीय यंत्रणेस सहकार्य करावे, या उद्देशाने सेवा फाऊंडेशन या सामाजिक संस्थेतील युवकांकडून रस्त्यावर कोरोना विषयी विविध संदेश लिहून जनजागृती केली जात आहे. 

सेवा फाऊंडेशन या सामाजिक संस्थेच्या वतीने आंदर मावळातील भोईरे, वडेश्वर, फळणे फाटा याठिकाणी 'ठेवा स्वछता राखा अंतर, कोरोना राहील दूर निरंतर' , 'डॉक्टर, प्रशासकीय यंत्रणा, पोलिस यांना सहकार्य करा, घरात थांबू या, कोरोनाला हरवू या' , 'नागरिकांनी घ्या जबाबदारी, राहा घरी' असे संदेश रस्त्यावर लिहून जनजागृती करण्यात आली आहे. आंदर मावळातील विविध गावचे रस्ते एकत्र जोडले जातात अशा मुख्य ठिकाणी या मोहिमेअंतर्गत संदेश लिहले जात आहेत. 

सेवा फाउंडेशन च्या उपक्रमामुळे रस्त्यावरून येणाऱ्या जाणाऱ्या दुचाकी, चारचाकी वाहनचालक व पादचाऱ्यांमध्ये जनजागृती होत आहे. 

अशाचप्रकारे मावळातील मध्यवर्ती बाजारपेठ असलेल्या कामशेत शहरात तसेच टाकवे, कान्हे, याठिकाणी कोरोना विषयी जनजागृती संदेश लिहणार असल्याचे सेवा फाउंडेशनच्या पदाधिकाऱ्यांनी कडून सांगण्यात आले आहे. 

आपला जीव धोक्यात घालून नागरिकांच्या सुरक्षेसाठी तत्पर असलेल्या डॉक्टर व पोलिस प्रशासनाला सहकार्य करा, असे सेवा फाऊंडेशनकडून सांगण्यात आले. तसेच नागरिकांनी मास्क लावा, सोशल डिस्टन्सिंग नियमाचे पालन करा, विनाकारण घराबाहेर पडून नका, असे आवाहनही करण्यात आले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com