दौंड (पुणे) : दौंड शहरात राज्य राखीव पोलिस दलातील (एसआरपीएफ) एक पोलिस व एक नागरिक, अशा दोन जणांना कोराना विषाणूची बाधा झाली आहे, अशी माहिती दौंड उप जिल्हा रूग्णालयाचे अधीक्षक डाॅ. संग्राम डांगे यांनी दिली.
मुंबई येथे बंदोबस्त करून परतलेल्या दौंड शहरातील राज्य राखीव पोलिस दलात (एसआरपीएफ) गट क्रमांक पाचमधील एक ३४ वर्षीय पोलिस व दौंड शहराच्या तुकाईनगर येथील एक ३४ वर्षीय नागरिक, असे एकूण दोन जणांना कोरोना विषाणूची बाधा झाली आहे. बाधितांपैकी एसआरपीएफ पोलिसास पुणे येथे पुढील उपचारांसाठी रवाना करण्यात आले आहे. तर, तुकाईनगर येथील तरूणावर शहरातील कोविड केअर सेंटरमध्ये उपचार सुरू आहेत.
मुंबई येथे बंदोबस्त करून दौंड तालुक्यात परतलेल्या एसआरपीएफ गट क्रमांक पाच व गट क्रमांक सातच्या तुकडींचे नानवीज (ता. दौंड) येथील राज्य राखीव पोलिस प्रशिक्षण केंद्रात संस्थात्मक विलगीकरण करण्यात आले आहे. त्यापैकी १६ पोलिसांना ९ ते १७ जून या कालावधीत कोरोनाची बाधा झाली आहे. त्याचबरोबर शहरातील एका दूध विक्रेत्याच्या कुटुंबातील तब्बल १४ जणांना ९ ते १६ जून दरम्यान कोरोनाची बाधा झाली असून, त्यांच्यावर उपचार सुरू आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.