भोरमधील आणखी दोन तरुणांचे कोरोना अहवाल आलेत... 

भोर (पुणे) : भोर तालुक्‍यातील वरोडी खुर्द आणि रायरी ग्रामपंचायतीमधील धारंबेवाडी येथील प्रत्येकी एका तरुणाला कोरोनाची लागण झाल्याचे निदर्शनास आले. मंगळवारी (ता. 26) दुपारी दोन्ही तरुणांचे अहवाल पॉझिटिव्ह आले. दोन्हीही तरुण हे काही दिवसांपूर्वीच मुंबईहून आपापल्या गावी आले होते. 

मुंबईकरांमुळे पुणेकरांना धोका, कोरोनाचा सुरू आहे मुंबई- पुणे- मुंबई प्रवास  
 

भोर तालुक्‍यात गुरुवारी (ता. 21) रायरीतील एकजण कोरोनाग्रस्त झाल्यानंतर रविवारपासून (ता. 24) दररोज दोन रुग्णांची भर पडत आहे. रविवारी रायरीतील कोरोनाग्रस्ताची पत्नी व दोन मुलींना कोरोनाची लागण झाल्याचे निष्पन्न झाले. त्यानंतर सोमवारी (ता. 25) रायरीतील रेणुसेवाडी येथील एकजण आणि मानकरवाडी येथील एकाला कोरोनाची लागण झाली. त्यानंतर आज (ता. 26) धांरबेवाडी आणि वरोडी खुर्द येथील आणखी दोन तरुणांची भर पडली. 

उरुळी कांचनच्या भर चौकात पोलिसाला टोळक्‍याकडून बेदम मारहाण 

कोरोनाग्रस्त झालेले सर्वजण मुंबईहून भोरला आले होते. त्यामुळे तालुक्‍यात राहणाऱ्या रहिवाशांच्या डोक्‍यावर कोरोनाची तलवार लटकलेली असून, कोरोनाग्रस्तांबरोबर इतरांनीही योग्य ती काळजी घेण्याचे आवाहन आरोग्य विभागामार्फत करण्यात आले. मुंबईहून आलेल्या सर्वांनी क्वारंटाइनची योग्य खबरदारी घेऊन कोरोनाचा प्रसार रोखण्यास सहकार्य करावे, असे आवाहन तालुका प्रशासनाकडून करण्यात आले. कोरोनाग्रस्तांच्या संपर्कात आलेल्या सर्वांना होम क्वारंटाइन आणि आवश्‍यक त्यांना कोविड केअर सेंटरमध्ये ठेवण्यात आले असल्याचे तालुका वैद्यकीय अधिकारी डॉ. सूर्यकांत कऱ्हाळे यांनी सांगितले.