पुण्यात कडक निर्बंध; वाचा काय आहेत नवीन नियम

पुणे - कोरोनाच्या वाढत्या संसर्गाच्या पार्श्वभूमीवर पालकमंत्र्याच्या उपस्थितीत आढावा बैठक घेण्यात आली. यानंतर विभागीय आयुक्त सौरभ राव यांनी पत्रकार परिषदेत माहिती दिली. आठवड्याला रुग्णांची वाढ अशीच राहिली तर पुण्यात दररोज 9 हजार नवीन रुग्ण सापडण्याचा अंदाज व्यक्त करण्यात आला आहे. या पार्श्वभूमीवर पुण्यात कडक निर्बंध लागू करण्यात आले असून पुढील सात दिवसांसाठी काही सेवा पूर्ण बंद ठेवण्याचे आदेश दिले आहेत. विभागीय आयुक्तांनी याची माहिती दिली. 

काय आहेत निर्बंध

• हॉटेल्स, बार, रेस्टॉरंट सात दिवसांसाठी बंद.
• मॉल्स, सिनेमा हॉल बंद
• धार्मिक मंदिरे बंद
• पीएमपी बसेस 7 दिवसांसाठी संचारबंदीच्या काळात बंद
• संध्याकाळी 6 ते सकाळी 6 या कालावधीत संचारबंदी
• कोणत्याही कार्यक्रमांना परवानगी दिली जाणार नाही. 
• 30 एप्रिलपर्यंत शाळा कॉलेजेस बंदच

पुण्यातील इतर बातम्या वाचण्यासाठी क्लिक करा

काय सुरु?

• हॉटेल पार्सल सेवा सुरु राहतील
• अत्यावश्यक सेवा सुरु राहतील
• लग्न आणि अंत्यसंस्कारासाठी मर्यादीत लोकांच्या उपस्थितीची अट
• अंत्यविधीला 20 लोकांची उपस्थिती
• ​आधी ठरलेल्या लग्नसोहळ्यांनाच परवानगी
• नियोजित परीक्षा पार पडतील
   

चाचण्यांच्या दृष्टीने प्रमाण चांगलं आहे. एका दिवसात 29 हजार टेस्ट झाल्या आहेत. जितक्या टेस्ट जास्त तेवढे रुग्ण जास्त सापडत आहेत. काही भागात चाचण्यांचं प्रमाण वाढवायचं आहे. पण पॉझिटिव्हीटी रेट हा चिंतेचा विषय असल्याचं सौरभ राव यांनी सांगितलं.

हे वाचा - पुण्यात हॉटेल, थिएटरसह पीएमपी 7 दिवस बंद; संचारबंदीची वेळेत वाढ

आरोग्य सुविधा वाढवणार
आरोग्य सुविधा वाढवण्यावर भर देणार असल्याची माहिती सौरभ राव यांनी दिली.  ते म्हणाले की, खासगी रुग्णालयांसोबत समन्वय सभा झाली, हॉस्पिटल बेड वाढवत आहे. गेल्या वर्षी सर्वाधिक जितके बेड होते तेवढेच बेड 5 एप्रिलपर्यंत उपलब्ध करून देऊ.  काही रुग्णालयांना कोविड रुग्णालय जाहीर करावे लागले. ग्रामीण भागात जिथं व्हेंटिलेटर वापरात नाहीत ते शहरासाठी वापरत आहे. शहरात ग्रामीण भागातील रुग्णही दाखल होत आहेत.  गेल्या दहा दिवसांत पुणे जिल्ह्यात सर्वाधिक लसीकरण, देशात सर्वात वेगवान लस देण्यात पुण्याचा पहिला नंबर, जिल्हाधिकारी स्वत: यावर लक्ष ठेवून आहेत.