कोरोना रुग्णांसाठी खासगी रुग्णालयांमधील ८० टक्के बेडचा ताबा घेणार; महापालिकेची कार्यवाही

पुणे - कोरोना रुग्णांना सामावून घेत त्यांचे जीव वाचविण्यासाठी खासगी रुग्णालयांतील ८० टक्के बेडवर ताबा मिळविण्याची तयारी महापालिकेने सोमवारी केली. अशा स्थितीत बेड न देणाऱ्या हॉस्पिटलचे परवाने रद्द करणार आहे. याबाबत २० रुग्णालयांना सोमवारी तंबीही दिली.

कोरोना रुग्णांच्या संख्येत वाढ होत आहे. त्यातच त्रास जाणवणाऱ्या रुग्णांना थेट रुग्णालयात दाखल करून उपचाराची गरज आहे. परंतु महापालिकेसह बाणेर आणि जम्बो कोविड केअर सेंटरमधील बेडची क्षमता मर्यादित आहे. खासगी रुग्णालयांत बेड मिळत नसल्याने रुग्ण आणि त्यांच्या नातेवाइकांचे प्रचंड हाल होत आहेत. त्यामुळे काही जणांचा जीव जाण्याची भीती आहे. अशा रुग्णांना बेड देण्याचा आदेश महापालिकेने खासगी रुग्णालय व्यवस्थापनाला दिला. तरीही बेड मिळत नसल्याच्या तक्रारी कायम आहेत. त्यामुळे साथरोग नियंत्रण कायद्याद्वारे बेड ताब्यात घेण्याची कार्यवाही महापालिका करत आहे. त्यासाठी प्रत्येक रूग्णालयात महापालिकेचे अधिकारी नेमून रुग्णांच्या सोयीपुरते बेड ताब्यात घेतले जाणार आहेत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

खासगी रुग्णांलयात जाऊन त्यांच्याकडील बेडची मूळ क्षमता, सध्याचे बेड, त्यावरील उपचार घेणाऱ्या रुग्णांचा तपशील जाणून घेण्यात येईल. बेडची माहिती लपवून ठेवणाऱ्या रुग्णालयांविरोधात कारवाई करण्यात येईल. रुग्णांना बेड मिळण्यासाठी काळजी घेऊ.
- रुबल अग्रवाल, अतिरिक्त आयुक्त, महापालिका

'कोरोना प्रतिबंधासाठी सुक्ष्म नियोजन करा'; पुणे जिल्हाधिकाऱ्यांचे झेडपीला आदेश

इशारा देऊनही प्रतिसाद नाही
कोरोना रुग्णांना उपचार देण्याबाबत याआधीही खासगी रुग्णालय व्यवस्थापनाला सूचना केल्या होत्या. मात्र, पुरेशी यंत्रणा नसल्याची कारणे देत, खासगी रुग्णालये महापालिकेचा आदेश धुडकावत आहे. ही बाब गांभीर्याने घेत महापालिकेने बेजबाबदार रुग्णालयांचे परवाने रद्द करून, व्यवस्थापनाविरोधात गुन्हे दाखल करण्याचा इशारा दिला होता. तरीही खासगी रुग्णालयांकडून महापालिकेला प्रतिसाद मिळाला नाही.

Edited By - Prashant Patil