जुन्नर (पुणे) : जुन्नर नगर पालिकेतील आणखी एका नगरसेवकाचा कोरोना रिपोर्ट आज (ता. २१) पॉझिटिव्ह आल्याने शहरात खळबळ उडाली आहे. या पूर्वी दोन नगरसेवक पॉझिटिव्ह आले होते. त्यापैकी एकाचा मृत्यू झाला, तर एकजण उपचार घेत आहे.
जुन्नर शहरात कोरोनाबधितांचा आकडा दिवसेंदिवस वाढतच असून, मंगळवारी सात जण पॉझिटिव्ह आढळून आले आहेत. यात काही संघटनांचे पदाधिकारी असल्याची चर्चा आहे. शहरातील एकूण बाधितांची संख्या ४४ झाली असून, त्यापैकी ३७ जण अॅक्टिव्ह असून, चार जण बरे झाले आहेत. तर, आज शहरात एका तांदळाच्या व्यापाऱ्याचा कोरोनामुळे मृत्यू झाल्याने शहरातील बळींची संख्या तीनवर पोहचली आहे. जुन्नर तालुक्यातील एकूण रुग्ण संख्या ३१३ झाली असून, १३० जण बरे झाले आहेत. १७५ जण उपचार घेत असून, आठ जणांचा मृत्यू झाला आहे.
प्रशासनाने अत्यावश्यक वस्तूंच्या व्यवहारासाठी आजपासून मोकळीक दिली होती, मात्र भाजी विक्रेत्यांसमोरील गर्दी पाहता पालिकेने सर्व व्यवहार बंद केले आहेत. त्यामुळे किराणा माल विक्रेत्यांनी सोशल डिस्टनसिंगचे पालन करत सकाळी १० ते २ या वेळेत व्यवहार करावेत, तर भाजी विक्रेत्यांनी एका जागी न बसता फिरून विक्री करावी, असे आवाहन करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.