Video: पिंपरीत पोलिसाला मारहाण; आरोपीेंपैकी एक पोलिसच, व्हिडिओ व्हायरल

पिंपरी Coronavirus : विनाकारण रस्त्यावर फिरत असताना हटकले असता तिघांनी मिळून एका पोलिसाला मारहाण केली. ही घटना सोमवारी (ता. 27) काळेवाडीतील भारतमाता चौकात घडली. याप्रकरणी आरोपींविरोधात गुन्हा दाखल झालेला नाही.

पुण्याच्या बातम्या वाचण्यासाठी येथे ► क्लिक करा

युनूस गुलाब अत्तार (वय 50), मतीन युनूस अत्तार (वय 28), मोईन युनूस अत्तार (वय 24, सर्व रा. श्रीकृष्ण कॉलनी, भारतमाता चौक, काळेवाडी, पिंपरी) अशी आरोपींची नावे आहेत. आरोपींपैकी मतीन हा पोलिस दलात कार्यरत आहे. या घटनेत शंकर विश्वभर कळकुटे असे मारहाण झालेल्या पोलिस कर्मचाऱ्याचे नाव आहे. 

पुण्याच्या बातम्या वाचण्यासाठी येथे ► क्लिक करा

कोरोनाचा प्रादुर्भाव रोखण्यासाठी  सध्या सर्वत्र संचारबंदी लागू आहे. विनाकारण रस्त्यावर फिरण्यास मनाई आहे.  तरीही सोमवारी सायंकाळी साडे पाचच्या सुमारास युनूस अत्तार विनाकारण रस्त्यावर फिरत असताना फिर्यादीने त्याला हटकले. यावरून युनुसने फिर्यादीशी वाद घातला. त्यावेळी युनुसची दोन्ही मुले मतीन व मोईन तेथे आले. मतीनने फिर्यादीला काठीने तर युनूस व मोईनने लाथाबुक्क्यांनी मारहाण केली. तसेच फिर्यादीच्या हातातील काठी हिसकावून घेण्याचा प्रयत्न करीत त्यांना जीवे मारण्याची धमकी दिली.  वाकड पोलिस अधिक तपास करीत आहेत.