बारामती पोलिसांनी विद्यार्थ्यांवर केली धडक कारवाई | Sakal
sakal

बोलून बातमी शोधा

 crime

दुचाकी चालविण्याचा परवाना नसताना वाहन चालविणे, मोठ्याने आवाज करत दुचाकी चालविणे, नंबरप्लेट नसलेल्या वाहनांवर आज शहर पोलिसांच्या पथकाने कारवाई केली.

बारामती पोलिसांनी विद्यार्थ्यांवर केली धडक कारवाई

बारामती - दुचाकी चालविण्याचा परवाना नसताना वाहन चालविणे, मोठ्याने आवाज करत दुचाकी चालविणे, नंबरप्लेट नसलेल्या वाहनांवर आज शहर पोलिसांच्या पथकाने कारवाई केली. विद्यार्थ्यांकडून वाहतूकीच्या नियमांचे उल्लंघन होत असल्याच्या तक्रारी पोलिस निरिक्षक सुनील महाडीक यांच्याकडे आल्या होत्या.

या पार्श्वभूमीवर आज दुपारी सहाय्यक पोलीस निरीक्षक कुलदीप संकपाळ पोलीस उपनिरीक्षक घोडके , मोटे, पाटील यांच्या चार टीम तयार करून एकाच वेळी वेगवेगळ्या कॉलेजवर पाठवल्या. टीसी कॉलेज आणि अनेकांत शाळा, आर.एन. आगरवाल टेक्निकल हायस्कूल, शाहू हायस्कूल, या ठिकाणी पोलिसांनी सध्या वेशात जाऊन कॉलेज सुटण्याच्या वेळेस मुलांना ताब्यात घेऊन त्यांच्यावर कारवाई केली. दरम्यान या कारवाईनंतर शिक्षक पालक यांना सुद्धा याबाबत पोलिसांनी माहिती दिली.

दरम्यान महाविद्यालयाच्या परिसरात वाहन चालविण्याचा परवाना नसताना दुचाकी हाकणा-या विद्यार्थ्यांवर कारवाई केली गेली. कॉलेज सुटण्याच्या वेळेस अनेक मुले विना नंबर प्लेट तसेच विनाकारण कॉलेज शाळा परिसरामध्ये मोटरसायकली घेऊन जोरात आवाज करून फिरत असतात. निर्भया पथक सुद्धा त्यावर सतत कारवाई करत असते परंतु आज एकाच वेळी बारामती शहर पोलीस ठाण्याचे पोलीस निरीक्षक सुनील महाडिक यांनी कारवाई केली.

अनेक मुलांकडे स्वयंचलित स्पोर्ट बाईक आहेत, आई-वडिलांनी सुद्धा आपल्या मुलाच्या ताब्यात गाडी घेताना त्याच्याकडे वाहन चालविण्याचा परवाना आहे का त्यांचे वय किती आहे हे पाहिले पाहिजे. दरम्यान या पुढील काळात पालकांनाही दंडात्मक कारवाईला सामोरे जावे लागणार असल्याचा इशारा सुनील महाडीक यांनी दिला आहे. दंडात्मक कारवाईचा आकडा मोठा असल्याने पालकांनी काळजी घेण्याचे आवाहन केले आहे.

Web Title: Crime On Student By Baramati Police

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..