दिवेघाटात अज्ञात चौघांकडून दाम्पत्यास मारहाण

लोणी काळभोर : हडपसर- सासवड महामार्गावर दिवे घाटात काहीही कारण नसताना अज्ञात २० ते २२ वयोगटातील चौघांनी एकाला भरदिवसा लोखंडी रॉड, हाताने मारहाण करून जखमी केल्याची घटना घडली आहे. ही घटना मंगळवारी (ता. १०) सकाळी आकरा वाजण्याच्या सुमारास घडली आहे. निलेश प्रभाकर भोसुरे (वय- ३५ रा. ४५ ओ पाचवा मैल धर्मनगर वडगावशेरी, पुणे असे मारहाण झालेल्या व्यक्तीचे नाव असून या मारहाणीत त्यांना जबर जखम झाली असून डावा हात व डावा पाय फ्रॅक्चर झाला आहे.

याप्रकरणी कविता निलेश भोसुरे (वय- ३४) यांनी लोणी काळभोर पोलीस ठाण्यात अज्ञात चौघांविरोधात तक्रार दिली आहे.पोलिसांनी दिलेल्या माहितीनुसार, कविता भोसुरे या बँकेत नोकरी करतात. मंगळवारी साडेनऊ वाजण्याच्या सुमारास पती निलेश व कविता त्यांच्याकडे असणाऱ्या दुचाकीवरून आई वडिलांना भेटण्यासाठी निरा या गावी चालल्या होत्या. सव्वा दहा वाजण्याच्या सुमारास साड्या घेऊन पाऊने आकराच्या सुमारास दिवे घाटातून जात असताना पाठीमागून दोन दुचाकीवे दोघेजण गाडीजवळ आले.

यावेळी त्या दोघांनी त्यांची दुचाकी कविता बसलेल्या गाडीला आडवी मारली व पुढे बसलेल्या इसमाने कविता व तिच्या पतीस शिवीगाळ करुन गाडी थांबवण्यास सांगीतली. गाडी थांबवली असता दोन्ही इसम मारण्यासाठी अंगावर धावुन आले व पती निलेश यांना हाताने मारहान करण्यास सुरुवात केली. दूसरी दुचाकीवर आणखी अनोळखी इसम खाली उतरले त्यावरील दोन्ही इसमानी त्याचे हातातील लोखंडी रॉडने काहीएक कारण नसताना निलेशच्या डावे हातावर व डावे पायावर मारहान केली. तसेच पाठीमागे बसलेल्या इसमाने कविताच्या डावे खांदयावर लोखंडी रॉडने मारहान केली. दरम्यान, त्यानंतर एक गाडी हडपसर बाजुला व एक गाडी सासवड बाजुस निघुन गेली. यामध्ये निलेश यांना गंभीर दुखापत झाली. त्यांना एका सासवड येथील रुग्णालयात उपचारासाठी दाखल करण्यात आले असता डॉक्टरांनी निलेश यांचा डावा हात व डावा पाय फ्रॅक्चर झालेचे सांगितले. त्यानंतर कविता या लोणी काळभोर पोलीस ठाण्यात तक्रार देण्यासाठी आल्या.