घोडेगाव (पुणे) : आंबेगाव तालुक्यातील घोडेगाव व नारोडी येथे प्रतिबंधित क्षेत्र असतानाही त्याकडे दुर्लक्ष करीत या गावांतील तीन दुकानदारांनी आपले दुकान चालू ठेवले होते. त्यांच्यावर व विनाकारण रस्त्यावर गाडी फिरवत असलेल्या एका व्यक्तिवर घोडेगाव पोलिस ठाण्यात गुन्हा दाखल करण्यात आला असल्याचे सहायक पोलिस निरीक्षक प्रदिप पवार यांनी सांगितले.
पोलीसांनी दिलेल्या माहितीनुसार, घोडेगाव येथील श्री ट्रेडिंग कंपनीचे मालक शेखर श्यामराव गाडे (वय ५५), नारोडी गावातील मराठी शाळेच्या समोरील अंजली किराणा अॅंड स्टेशनरी स्टोअर्सचे मालक एकनाथ तुकाराम हुले (वय ६५) व नारोडी गावच्या वेशीच्या जवळील शिवमल्हार इंटरप्रायजेसचे मालक सुरेश रामचंद्र घोलप (वय ५०) यांनी त्यांची दुकाने चालू ठेऊन प्रशासनाच्या आदेशाचा अवमान केला आहे.
तसेच, घोडेगाव येथील चावडी चौक येथे बंडू किसन बेंद्रे (वय ४०) हे आपल्या जवळील मारूती सुझुकी एसक्रॉस ही मोटार (क्र. एम एच १४ जी एन ९६९७) प्रतिबंधित क्षेत्रामध्ये विनाकारण रस्त्याने चालवत होते. त्यांच्याविरूद्ध सहायक फौजदार कोंडाजी रेंगडे व पोलिस कर्मचारी अमोल काळे यांनी तक्रार दिली असू,न कलम १८८, २६९ अन्वये गुन्हा दाखल करण्यात आला आहे. याबाबतचा पुढील तपास सहायक पोलिस निरीक्षक प्रदिप पवार यांच्या मार्गदर्शनाखाली पोलिस हवालदार दिलीप वाघोले, संदिप लांडे, महेश झनकर आदी करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.