गराडे (पुणे) : पुरंदर तालुक्यातील उदाचीवाडी येथील विवाह सोहळ्यात मर्यादेपेक्षा जास्त गर्दी व सोशल डिस्टसिंगचे पालन होत नसल्याचे दिसून आल्याने वरपिता व वधूपिता यांच्याविरुद्ध सासवड पोलिस ठाण्यात गुन्हा नोंद करण्यात आलेला आहे.
उदाचीवाडी येथे शुक्रवारी (ता. 17) विनापरवाना आणि मर्यादेपेक्षा जास्त गर्दी जमवून लग्न सोहळा चालू असल्याचे पोलिसांना गुप्त बातमीदारांमार्फत माहिती मिळाली. त्यानंतर सहायक पोलिस निरिक्षक राहुल घुगे हे कर्मचाऱ्यांसह उदाचीवाडी येथे गेले. त्यावेळी तेथे लग्न सोहळा चालू असताना भरपूर गर्दी असल्याचे दिसले. तसेच, वऱ्हाडींकडून सोशल डिस्टसिंगचे पालन होत नसल्याचे दिसून आले. त्यामुळे वनपुरी येथील वरपिता व उदाचीवाडी येथील वधूपिता यांच्याविरुद्ध लग्न सोहळ्याबाबतच्या जिल्हाधिकाऱ्यांच्या आदेशाचे उल्लंघन केले म्हणून गुन्हा नोंद करण्यात आलेला आहे.
कोणीही लग्नसमारंभ किंवा इतर कोणत्याही कार्यक्रमांमध्ये प्रशासनाच्या विहित केलेल्या मर्यादेपलीकडे लोकांची गर्दी करू नये व नियमांचे पालन करावे, असे आवाहन सहायक पोलीस निरिक्षक राहुल घुगे यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.