Cyber Crime : नांदेड सिटी पोलिस स्टेशन सायबर पथकाची उल्लेखनिय कामगिरी

खडकवासला : हरवलेले १२ मोबाईल फोन तीन लाख रुपये किमतीचे व सायबर फ्रॉड तक्रारीचे एकुण ९२ हजार २०० रुपये असे एकूण तीन लाख ९२ हजार २०० रुपये ऐवज मिळवण्यासाठी नांदेड सिटी पोलिस ठाण्यातील सायबर पथकास यश आले आहे. .अर्जदार यांना परत करण्यास हा ऐवज परत दिला जाणार आहे. नांदेड सिटी पोलिस ठाण्याच्या सायबर कक्षाचे पोलिस उपनिरिक्षक गजानन पोतदार, पोलिस शिपाई अक्षय जाधव, पोलिस शिपाई रोशन मंडले यांनी नांदेड सिटी पोलिस ठाणे हद्दीत हरवलेल्या मोबाईलचा डेटा तयार केला. त्याबाबत तांत्रिक तपास केला..तसेच त्याचा वारंवार पाठपुरावा केला. यामुळे हरवलेले मोबाईल फोन हे महाराष्ट्रातील विविध जिल्ह्यात वापरत असल्याचे निदर्शनास आले. या मोबाईल फोन वापरकर्त्यांशी तसेच संबंधित पोलिस ठाण्यांशी संवाद साधला. यामुळे हरवलेले १२ मोबाईल फोन एकूण तीन लाख रुपये किमतीचे १२ मोबाईल फोन हस्तगत करण्यात पोलिसांच्या तपास पथकाला यश आले आहे..तसेच नांदेड सिटी पोलिस स्टेशन येथे दाखल असलेल्या सायबर फ्रॉड तक्रारी अर्जामध्ये एकुण ९२ हजार २०० रुपयांची रक्कम ही संबंधित बँकांना तात्काळ मेल करुन, बँक खात्यांची माहिती घेऊन, त्यावर बँकाच्या मार्फत योग्य तो प्रतिबंध लाऊन अर्जदार यांची गेलेली रक्कम अर्जदाराला यांना परत केली आहे..नांदेड सिटी पोलिस ठाण्याचे सायबर पथकास यश मिळालेले आहे. हस्तगत करण्यात आलेले मोबाईल फोन संबंधित तक्रारदारांना नांदेड सिटी पोलिस ठाण्याचे येथे वरिष्ठ पोलिस निरिक्षक अतुल भोस यांच्या हस्ते परत करण्यात आले..मोबाईल परत मिळाल्याने तसेच सायबर फ्रॉडमध्ये गेलेली रक्कम परत मिळाल्याने संबंधीत तक्रारदार यांनी आनंद व्यक्त केला आहे. त्यांनी या प्रकरणाचा तपास पूर्ण हरवलेल्या वस्तू आणि फ्रॉडमध्ये मधील रक्कम परत मिळवून दिल्याबद्दल पुणे पोलिसांचे आभार मानले आहेत..हा तपास पोलिस आयुक्त अमितेश कुमार, पुणे शहर, सहपोलिसा आयुक्त, रंजनकुमार शर्मा, पोलिसा उप-आयुक्त संभाजी कदम, सहाय्यक पोलिसा आयुक्त अजय परमार, सिंहगड विभाग यांचे मार्गदर्शनाखाली नांदेड सिटी पोलिस ठाण्याचे वरिष्ठ पोलिस निरीक्षक अतुल भोस, पोलिसा निरीक्षक गुन्हे गुरुदत्त मोरे, पोलिस उपनिरिक्षक गजानन पोतदार, पोलिस शिपाई अक्षय जाधव, पोलिस शिपाई रोशन मंडले यांनी केला आहे. याबाबत वरिष्ठ अधिकाऱ्यांनी त्यांचे कौतुक केले..प्रवासात काय काळजी घेणारप्रवास करताना बस मध्ये चढताना अगर उतरताना आपले मोबाईल व इतर मौल्यवान वस्तू सांभाळावे. तसेच संशयीत व्यक्ती वाटल्यास तात्काळ ११२ या नंबरवर संपर्क करावा अथवा जवळच्या पोलिस ठाण्यात जाऊन तक्रार करावी..मोबाईल हरवल्याची तक्रारतात्काळ ऑनलाईन पुणे पोलिसाांचे punepolice.gov.in/Lost FoundReg या वेबसाईटला प्रथम तक्रार नोंद करावी, नोंद करतानाजवळचे पोलिसा स्टेशनचे नाव त्यात (निवडावे) सिलेक्ट करावे. आपल्या जवळच्या पोलिस ठाण्यात जाऊन ॲपवरील जाऊन त्याची एक कॉपी द्यावी..हरवलेले सीम कार्ड पुन्हा घेतल्यावरत्यानंतर, हरवलेले मोबाईल मधील त्याच नंबरचे नवीन सीमकार्ड घेऊन ते चालु करुन घेतल्यानंतर शासनाचे https://www.ceir.gov.in/ (CEIR) या पोर्टलवर नोंद करावी. नोंद करताना वेबसाईटवर अर्जदाराचे तक्रारीची प्रत, मोबाईल पावती तसेच ओळखपत्र याची पीडीएफ अपलोड करुन चालु केलेल्या मोबाईलवर ओटीपी प्राप्त करुन सबमीट करावी..सायबर फसवणूकतसेच सायबर फ्रॉडचे वाढते प्रमाण लक्षात घेता ऑनलाईन लोन ॲपवरुन लोन घेणे, कोणत्याही लिंकवर क्लिक करणे, ओटीपी शेअर करणे, अनाधिकृत साईटवरुन अथवा ॲपवरुन ट्रेडिंगमध्ये पैशांची गुंतवणुक करणे, अनोळखी व्यक्तींवर विश्वास ठेवणे या गोष्टी टाळ्याव्यात, आपल्याबरोबर सायबर फ्रॉड झाल्यास तात्काळ १९३० या सायबर हेल्पलाईन नंबर वर फोन करावा. अथवा जवळच्या पोलिसा ठाण्यात जाऊन तक्रार द्या.सायबर फसवणूक झाल्यावरसायबर फ्रॉडची तक्रार तात्काळ १९३० या सायबर हेल्पलाईन नंबर वर फोन करुन नोंद करावी अथवा www.cybercrime.gov.in या वेबसाईटवर जाऊन ऑनलाईन तक्रार नोंद करुन जवळच्या पोलिसा स्टेशनला भेट द्यावी असे आवाहन पुणे पोलिसाांमार्फत करण्यात येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.