Pune News : सोसायटीची सीमा भिंत पडल्याने वाहनांचे नुकसान

पुणे : भवानी पेठेतील एका सोसायटीची सीमा भिंत पडल्यामुळे चार वाहनांचे नुकसान झाले. ही घटना मंगळवारी दुपारी घडली. अग्निशामक दलाच्या सूत्रांनी दिलेल्या माहितीनुसार, भवानी पेठ येथील एका सोसायटीची सीमा भिंत अचानक कोसळली.

त्यामुळे भिंतीलगत असलेल्या एक रिक्षाचा चक्काचूर झाला. तसेच दुचाकी, टेम्पोसह दोन हातगाड्यांचे नुकसान झाले. या घटनेत कोणी जखमी झालेले नाही. या घटनेची माहिती मिळताच अग्निशमन दलाचे जवान घटनास्थळी दाखल झाले.