शिरूर : लोखंडी गजाने दरवाजा उचकटून घरात शिरलेल्या सशस्त्र चोरट्यांनी घरात झोपलेल्या दांपत्याला मारहाण करीत महिलेच्या गळ्यातील मंगळसूत्र, कर्णफूले व पैंजण ओरबाडून घेतले तर घरातील कपाटातील सोन्याच्या नथ आणि रोख २५ हजार रूपयांसह सुमारे पावणेदोन लाख रूपयांचे सोन्याचे दागिने चोरून पोबारा केला. आंबळे (ता. शिरूर) जवळील सोनखीळावस्ती येथे आज (ता. ६) पहाटे पावणेदोन च्या सुमारास ही घटना घडली.
