इंदापूर कृषी उत्पन्न बाजार समितीच्या सभापतीपदी दत्तात्रय फडतरे

इंदापूर कृषी उत्पन्न बाजार समितीच्या सभापतीपदी दत्तात्रय फडतरे
Updated on: 

इंदापूर : पुणे जिल्ह्यातील अग्रगण्य तसेच देश पातळीवर मत्स्य बाजारामुळे प्रसिद्ध इंदापूर तालुका कृषि उत्पन्न बाजार समितीच्या सभापतीपदी वालचंदनगर (कळंब, ता. इंदापूर जि. पुणे ) येथील उद्योजक दत्तात्रय सखाराम फडतरे यांची बिनविरोध निवड झाली.

सभापती आप्पासाहेब जगदाळे यांनी राजीनामा दिल्यामुळे इंदापूर बाजार समितीचे सभापतीपद रिक्त झाले होते. त्यामुळे गुरुवार (ता. २१ जानेवारी रोजी) बाजार समिती कार्यालयात सभापती पदासाठी निवडणुक निर्णयअधिकारी तथा सहाय्यक निबंधक जे. पी. गावडे यांच्या अध्यक्षतेखाली संचालक मंडळाची बैठक झाली.

दरम्यान, या बैठकीमध्ये दत्तात्रय फडतरे यांची सभापतीपदी बिनविरोध निवड झाली. यावेळी मावळते सभापती आप्पासाहेब जगदाळे, उपसभापती तथा आमदार यशवंत विठ्ठल माने यांनी बाजार समितीच्या माध्यमातून राबविलेल्या शेतकरीभिमुख योजना व उपक्रमाबद्दल त्यांचा तसेच नवनिर्वाचित सभापती दत्तात्रय फडतरे यांचा संचालक मंडळाने सत्कार केला.

यावेळी फडतरे म्हणाले, ''आगामी काळात आप्पासाहेब जगदाळे, आमदार यशवंत माने व संचालक मंडळाच्या सहकार्याने बाजार समितीचे कामकाज करून समितीच्या नावलौकिकात भर घातली जाईल.'' 

यावेळी आमदार यशवंत माने, मधुकर भरणे, संतोष वाबळे, दत्तात्रय सपकळ, शिवाजी इजगुडे, संग्रामसिंह निंबाळकर, अनिल बागल, गणेशकुमार झगडे, निर्मला अंकुश रणमोडे, स्वाती भाऊसाहेब सपकळ, रोहित मोहोळकर, सचिन देवकर, सुभाष दिवसे, मेघ:शाम पाटील, महावीर गांधी, भानुदास सपकळ उपस्थित होते. 

(संपादन : सागर डी. शेलार)
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

India International Open Taekwondo Championship 2026
Water Security 2051
pune grand tourAI Technology Used for Road Quality Inspection for the First Time in Maharashtra
Pune-Nashik Highway Expansion: Eight-Lane Elevated Corridor Awaits Work Order After Land Acquisition