दौंड - अंबिका विद्युत कर्मचारी पतसंस्थेत १९ लाखांचा अपहार

तत्कालीन चेअरमनसह एकूण पाच जणांविरूध्द गुन्हा दाखल करण्यात आला आहे.
अंबिका विद्युत कर्मचारी पतसंस्थेत १९ लाखांचा अपहार
अंबिका विद्युत कर्मचारी पतसंस्थेत १९ लाखांचा अपहार

दौंड : दौंड तालुक्यातील अंबिका विद्युत कर्मचारी सहकारी पतसंथेत १९ लाख रूपयांचा अपहार केल्याप्रकरणी तत्कालीन चेअरमनसह एकूण पाच जणांविरूध्द गुन्हा दाखल करण्यात आला आहे.

दौंड पोलिसांनी या बाबत माहिती दिली. अंबिका विद्युत कर्मचारी पतसंस्थेचे तत्कालीन लेखनीक प्रभाकर रघुनाथ भदे (रा. शेडगाव, ता. श्रीगोंदा, जि. नगर), सचिव वसंत रूपा भिरूड (रा. पठारे वस्ती, लोहगाव, पुणे), चेअरमन संजय शिवाजी खळदकर (रा. केडगाव, ता. दौंड), प्रकाश नरसिंग भोसले (रा. खोपोडी, ता. दौंड) व उत्तम ज्ञानदेव गायकवाड (रा. खानोटे, ता. दौंड) यांच्याविरूध्द या प्रकरणी गु्न्हा दाखल करण्यात आला आहे. १ एप्रिल २०१० ते ३१ मार्च २०१९ या कालावधीत या पतसंस्थेचे लेखापरीक्षण व फेरलेखापरीक्षण करण्यात आले होते. लेखापरीक्षणात २८ सभासदांनी त्यांच्या कर्जखात्यामध्ये जमा करण्यासाठी वेळोवेळी संस्थेचे तत्कालीन लेखनिक प्रभाकर रघुनाथ भदे यांच्याकडे रोखीने भरणा केलेली १३ लाख ९९ हजार ७०८ रूपये त्यांनी संस्थेत जमा न करता त्याचा संगनमताने अपहार केल्याचे आढळून आले.

अंबिका विद्युत कर्मचारी पतसंस्थेत १९ लाखांचा अपहार
इंदापूर : निमसाखरच्या बंधाऱ्याच्या भराव खचला

त्याचबरोबर बनावट दस्तऐवज तयार करून २४ सभासदांच्या नावावर तातडीचे कर्ज दिल्याचे धारक देय धनादेशाद्वारे (बेअरर चेक) बँकेतून परस्पर ५ लाख १५ हजार ५७० रूपये काढून घेण्यात आले होते. या बाबत जिल्हा विशेष लेखापरीक्षक मच्छिंद्र वडघुले यांनी दौंड पोलिस ठाण्यात फिर्याद दाखल केली आहे. फिर्यादीनुसार पाच संशयित आरोंपीविरूध्द भारतीय दंड विधान कलम ३४, ४०६, ४०९, ४२०, ४६७, ४६८ व ४७१ अन्वये गुन्हा दाखल करण्यात आला आहे.

पूर्वाश्रमीचे महाराष्ट्र राज्य वीज मंडळ व आत्ताचे महाराष्ट्र राज्य वीज वितरण कंपनीचे (महावितरण) अधिकारी व कर्मचारी या पतसंस्थेचे सभासद आहेत. या प्रकरणी कोणालाही अटक करण्यात आली नसून दौंड पोलिस ठाण्याचे सहायक निरीक्षक तुकाराम राठोड पुढील तपास करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com