पुणे : पुणे जिल्ह्याच्या ग्रामीण भागातील कोरोना संक्रमणशील भागातील प्राथमिक आरोग्य केंद्रात वैद्यकीय अधिकाऱ्यांची जादा कुमक देण्याचा निर्णय पुणे जिल्हा परिषदेने घेतला आहे. यानुसार जिल्ह्यातील विविध प्राथमिक आरोग्य केंद्रातील सहा वैद्यकीय अधिकाऱ्यांची तातडीने संक्रमणशील भागातील प्राथमिक आरोग्य केंद्रात नियुक्ती करण्यात आली आहे. हे सर्व वैद्यकीय अधिकारी उद्या (ता. १३) नव्या ठिकाणी रूजू होणार आहेत.
पुण्याच्या बातम्या वाचण्यासाठी येथे ► क्लिक करा
विभागीय आयुक्त डॉ. दीपक म्हैसेकर यांच्या आदेशानुसार या नव्या नियुक्त्या करण्यात आल्या असून, त्या तात्पुरत्या स्वरुपात म्हणजेच कोरोनाची साथ आटोक्यात येईपर्यंत असल्याचे मुख्य कार्यकारी अधिकारी आयुष प्रसाद यांनी याबाबत काढलेल्या आदेशात नमूद करण्यात आले आहे.
यानुसार मुळशी तालुक्यातील मुठा प्राथमिक आरोग्य केंद्रातील वैद्यकीय अधिकारी डॉ.गौरव हजारी आणि पुरंदर तालुक्यातील वाल्हा येथील डॉ. आदित्य धारुरकर यांची नियुक्ती हवेली तालुक्यातील खानापूर प्राथमिक आरोग्य केंद्रात करण्यात आली आहे. शिरूर तालुक्यातील टाकळी हाजी येथील डॉ. कृष्णा चव्हाण यांची तळेगाव ढमढेरे येथे, हवेली तालुक्यातील ऊरळीकांचन येथील डॉ. संजीव सोनावणे यांची याच भागातील कोरोना संक्रमणशील क्षेत्रासाठी खास नियुक्ती करण्यात आली आहे.
दौंड, खेड, खामगाव प्राथमिक आरोग्य केंद्रातील वैद्यकीय अधिकारी डॉ. विलास माने यांची याच तालुक्यात संक्रमणशील क्षेत्रात तर, आंबेगाव तालुक्यातील पेठ येथील डॉ. परेश पोटे यांची हवेली तालुक्यातील वाघोली प्राथमिक आरोग्य केंद्रात नियुक्ती करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.