बारामती : राज्यातील प्राथमिक व माध्यमिक शाळातील शिक्षण सेवकांचे मानधन पंधरा हजार रुपये करु असे आश्वासन राज्याचे शालेय शिक्षण मंत्री दीपक केसरकर यांनी महाराष्ट्र राज्य प्राथमिक शिक्षक संघाच्या शिष्टमंडळास दिल्याची माहिती बारामती तालुका प्राथमिक शिक्षक संघाचे अध्यक्ष हनुमंत शिंदे व सरचिटणीस सुरेंद्र गायकवाड यांनी दिली.
महाराष्ट्र राज्य प्राथमिक शिक्षक संघाचे अध्यक्ष केशवराव जाधव यांच्या नेतृत्वात शिष्टमंडळाने रविवारी सावंतवाडी येथे दीपक केसरकर यांची भेट घेतली. राज्यातील प्राथमिक शिक्षकांच्या विविध प्रश्नांचे निवेदन यावेळी त्यांना देण्यात आले.
शिक्षकांना अध्यापनाचेच काम द्यावे, प्राथमिक शिक्षकांची रिक्त पदे भरावीत, विस्तार अधिकारी व केंद्रप्रमुखांची सर्व पदे पदोन्नतीने प्राथमिक शिक्षकांमधून भरावीत, आपले गुरुजी परिपत्रकास स्थगिती द्यावी, कोविड काळात मृत्यू झालेल्या शिक्षकांना विमा कवच रक्कम त्वरित मिळावी, जिल्हा परिषद, नगरपालिका, महानगर पालिका कार्यक्षेत्रातील प्राथमिक शिक्षकांना दहा, वीस व तीस ही आश्वासित प्रगती योजना लागू करावी अशा मागण्या करण्यात आल्या आहेत.
माधवराव पाटील यांनी शिक्षण सेवक मानधन वाढीबाबत आग्रही मागणी केल्यावर केसरकर यांनी शिक्षण सेवक मानधन 15 हजार करणार असल्याचे सांगितले. तसेच महाराष्ट्र राज्य प्राथमिक शिक्षण संघाच्या शिक्षण परिषदेस मुख्यमंत्र्यांना घेऊन येणार असल्याची ग्वाही दिली.यावेळी केशवराव जाधव, माधवराव पाटील, राजाराम वरुटे, संभाजी बापट, वसंतराव हरगुडे, दीपक नागवेकर, लालासाहेब बनकर, हनुमंत शिंदे उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.