पुणे - कात्रज येथील राजीव गांधी प्राणी संग्रहालयातील १६ चितळ प्रकारातील हरणांचा मृत्यू झाल्याने एकच खळबळ उडाली होती. या हरणांचा मृत्यू लाळ खुरकूत या आजारामुळे झाल्याचे स्पष्ट झाले आहे..कात्रज प्राणी संग्रहालयातील हरणांचा मृत्यू झाल्याचे समोर आल्यानंतर त्याची राज्य शासनासह केंद्र शासनाने गंभीर दखल घेतली होती. मृत्यूच मूळ कारण शोधण्यासाठी विविध शासकीय संस्थांना नमुने पाठवण्यात आले होते. मृत प्राण्यांचे शवविच्छेदन करून जैविक नमुने संकलित करण्यात आले होते. हे नमुने नागपूरच्या पशुवैद्यकीय महाविद्यालयातील जैवसुरक्षा प्रयोगशाळेच्या नियंत्रणाखाली तपासणीसाठी पाठवण्यात आले होते..राष्ट्रीय लाळ खुरकूत संशोधन केंद्र, भारतीय पशुवैद्यकीय संशोधन संस्था (बरेली), वन्यजीव संशोधन व प्रशिक्षण केंद्र (नागपूर), राष्ट्रीय उच्च सुरक्षा प्राणी रोग शाखा (भोपाळ) यांच्याकडून तपासण्या करण्यात आल्या. त्यांच्या तपासणीतून आणि भुवनेश्वर येथील प्रयोगशाळेतून प्राप्त झालेल्या अहवालानुसार हरणांचा मृत्यू विषाणूजन्य लाळ खुरकूत या आजाराचा संसर्ग झाला असल्याचे स्पष्ट झाले आहे..या अहवालाची सखोल चर्चा करण्यासाठी गुरुवारी (ता.२४) प्राणी संग्रहालयात विशेष बैठक घेण्यात आली होत. शल्यचिकित्सा विभागाचे डॉ. विकास लाकडमल डॉ. चंद्रशेखर मोते, डॉ. दुर्गेश मुकाटे आदी उपस्थित होते.यावेळी संशोधकांनी स्पष्ट केले की, हरणांचा मृत्यू विषाणूजन्य संसर्गामुळे झाला आहे. या विषाणूचा परिणाम प्राण्यांच्या रोगप्रतिकारशक्तीवर झाला, तसेच पावसाळी हवामान, तापमानातील चढ-उतार आणि बंदिस्त वातावरणही मृत्यूदर वाढण्यास कारणीभूत ठरले. त्यामुळे मृत्यूदर पाच महिन्यांत अधिक नोंदवण्यात आला..या घटनेमुळे शासनाने तातडीने उपाययोजना करत जैविक नमुन्यांचे सखोल विश्लेषण करत भविष्यात अशा घटना घडू नयेत यासाठी आरोग्य व पर्यावरणीय परिस्थितीत सुधारणा केल्या जात आहेत, अशी माहिती अधिकाऱ्यांनी दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
