कुत्र्याच्या हल्ल्यात `त्याने` गमावला जीव

खडकवासला (पुणे) : हवेली तालुक्यातील सोनापूर गावात कुत्र्याच्या हल्ल्यात हरीण गंभीर जखमी झाले होते. त्याचा खानापूर येथील जिल्हा परिषदेच्या पशुवैद्यकीय दवाखान्यात उपचारा दरम्यान मृत्यू झाला. 

आणखी वाचा- पीएमपाच्या हजारो प्रवाशांच्या पासला मुदतवाढ

पानशेत रस्त्यावरील सोनापूर गावात खडकवासला धरणाच्या किनाऱ्यावर हरिण जखमी अवस्थेत पडल्याचे आदिवासी कातकरी समाजाच्या तरुणांनी पाहिले.
त्याचा जीव वाचविण्यासाठी  ग्रामस्थ, वन, पशुसंवर्धन विभागाचे प्रयत्न सुरू होते.

आणखी वाचा- लाॅकडाउन वाढणार; पण...

वनरक्षक अरुण पवळेने जखमी हरणाला राजू तनपुरे यांच्या घरी नेले. तेथून वनरक्षक स्मिता अर्जुन यांनी टेंपोतून त्याला खानापूरच्या  जिल्हा परिषदेच्या पशुसंवर्धन दवाखान्यात नेले. तेथे उपचारादरम्यान त्याचा मुत्यू झाला. त्यानंतर हरिणाचे शवविच्छेदन करण्यात आले.

पुण्याच्या बातम्या वाचण्यासाठी येथे ► क्लिक करा

"हरिण खडकवासला धरणावर पाण्यासाठी आले असावे. त्याच्यावर कुत्र्यानी हल्ला केला. त्यात ते गंभीर जखमी झाले. त्याला उभे राहता येत नव्हते. स्थानिक ग्रामस्थांनी माहिती देताच तातडीने घटनास्थळी पोचले. त्याला उपचारासाठी खानापूर आणले उपचार सुरू असताना त्याचा मुत्यू झाला." असे अर्जुन यांनी सांगितले.