Baramati News : अर्जुन खोतकर यांच्यावर गुन्हा दाखल करण्याची बारामतीत मागणी....

बारामती - खाटिक समाजाच्या भावना दुखाविल्याप्रकरणी अर्जुन पंडीतराव खोतकर यांच्याविरुध्द गुन्हा दाखल करण्याची मागणी हिंदू खाटिक समाज संघटना कार्याध्यक्ष करण इंगुले यांनी केली आहे..या संदर्भात बारामती शहर पोलिस ठाण्यामध्ये त्यांनी तक्रार दाखल केली आहे. यामध्ये नमूद करण्यात आले आहे की, अर्जुन पंडीतराव खोतकर यांची एका माध्यमावर मुलाखत सुरु असताना त्यांनी खाटिक समाजाविषयी लोकांमध्ये द्वेष व तिरस्काराची भावना निर्माण होईल, या उद्देशाने हे वक्तव्य केलेले आहे..मी माहिती घेतली असता सदर व्यक्ती हे विधानसभेचे सदस्य असून लोकप्रतिनिधी असल्याचे समजले. समाजात तेढ निर्माण होईल असे वक्तव्य त्यांनी केलेले आहे, त्यांनी कोणतीही माहिती न घेता हे वक्तव्य केले आहे..ते लोकप्रतिनिधी व विधानसभेचे सदस्य असल्याने त्यांनी जबाबदारीने वक्तव्य करणे गरजेचे असताना त्यांनी द्वेष निर्माण होईल अशी भाषा वापरल्याने त्यांच्याविरुध्द अँट्रॉसिटीचा गुन्हा दाखल करावा, अशी मागणी या तक्रारीमध्ये करण्यात आली आहे..निवेदन देताना करण इंगुले यांच्यासह नीलेश पलंगे, अक्षय इंगुले, पार्थ गालिंदे, ब्रिजेश गालिंदे, जितेंद्र जवारे, महावीर जवारे, अमोल सोनवणे, संग्राम इंगुले, उमेश पलंगे, विकी खडके, बाळा इंगुले, मयूर ताडे आदी उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.