मंचर : “हुतात्मा बाबू गेनू सागरातून (डिंभे धरण) मीना व घोड कालव्यात पाणी सोडावे. असे पत्र पाटबंधारे मंत्री राधाकृष्ण विखे पाटील यांना दिले आहे. त्यानुसार अहिल्यानगर येथे सोमवारी (ता.५) संध्याकाळी विखे पाटील यांच्या उपस्थितीत कालवा सल्लागार समितीची बैठक होणार आहे. या बैठकीला मी उपस्थित राहणार आहे. कालव्यात पाणी सोडण्याबाबत सकारात्मक निर्णय होईल.” असा विश्वास माजी सहकारमंत्री दिलीप वळसे पाटील यांनी व्यक्त केला.