पुणे - कोरोनामुळे रद्द झालेल्या मुंजच्या सोहळ्याच्या बुकिंगसाठी घेतलेली आगाऊ रक्कम ग्राहकाला परत देण्यास टाळाटाळ करणाऱ्या नामांकित इव्हेंट व केटरिंग व्यवस्थापकाला महागात पडले आहे. ग्राहकाकडून आगाऊ स्वरूपात घेतलेले चाळीस हजार रुपये फेब्रुवारी २०२० पासून वार्षिक सहा टक्के व्याजासहित परत करावे, तसेच ग्राहकाला झालेल्या आर्थिक व मानसिक त्रासाची भरपाई व तक्रार खर्चापोटी २२ हजार रुपये द्यावे, असे आदेश आयोगाने व्यवस्थापकाला दिला आहे.