पुण्यात लॉकडाऊन नाही, पण...; उपमुख्यमंत्री अजित पवार यांनी दिले संकेत

पुणे : पुणे शहरातील कोरोनाचा वाढता धोका लक्षात घेता, कोरोना प्रतिबंधासाठीचे निर्बंध फक्त कागदोपत्री ठेऊन चालणार नाही. या निर्बंधांची कडक अंमलबजावणी करा, अशी सूचना पालकमंत्री अजित पवार यांनी पुणे जिल्हा प्रशासनाला केली आहे. दरम्यान, पुणे शहरात लॉकडाऊनची शक्यता कमी असल्याचे संकेत मिळाले आहेत. 

- मुंबई कोविड रुग्णालय आगीत 9 जणांचा मृत्यू ते ट्रम्प-चीनला बायडेन यांचा इशारा; वाचा एका क्लिकवर​

पुणे जिल्ह्यातील कोरोनाचा आढावा घेऊन त्यावर प्रभावी उपाययोजना करण्यासाठी पालकमंत्री अजित पवार यांनी आज पुण्यात जिल्हा आणि महापालिका प्रशासनाची आढावा बैठक बोलावली आहे. आज सकाळी दहा वाजता ही बैठक सुरू झाली आहे. या बैठकीला जिल्ह्यातील लोकप्रतिनिधी, पुणे व पिंपरी चिंचवड या दोन्ही पालिकांचे महापौर, जिल्हा परिषद अध्यक्ष, दोन्ही पालिकांचे आयुक्त, दोन्ही शहरांचे पोलिस आयुक्त, जिल्हाधिकारी, जिल्हा परिषदेचे मुख्य कार्यकारी अधिकारी, जिल्हा पोलिस अधीक्षक आदी उपस्थित आहेत. 

या बैठकीत कोरोनाचा आढावा घेतल्यानंतर लॉकडाऊनची अंमलबजावणी करायची की, निर्बंध अधिक कडक करायचे, याबाबतचा निर्णय घेतला जाणार आहे.

- पुणे शहर आणि जिल्ह्यातील बातम्या वाचण्यासाठी येथे ► क्लिक करा

(Edited by: Ashish N. Kadam)