आळंदी - मकर संक्रांतीनिमित्त आज आळंदीमध्ये जवळपास ६० हजारांहून अधिक महिलांनी माउलींच्या संजीवन समाधीचे दर्शन घेतले. मंदिर परिसर इंद्रायणी घाटावर विक्रेत्यांच्या गर्दीमुळे जत्रेचे स्वरूप आले होते..प्रतिवर्षी आळंदीत महिला ओवसा वाहण्यासाठी आळंदीत येत असतात. बुधवारी पहाटे साडेचार ते साडेपाच या वेळेत माउलींच्या समाधीवर पवमान पूजा आणि तिळाचा अभिषेक झाल्यावर भाविकांचे दर्शन सुरू झाले..महिलासाठी थेट पंखा मंडपात माउलींच्या चांदीच्या पादुका दर्शनासाठी ठेवल्या होत्या, तर पुरुष भाविकांसाठी वीणामंडपात माउलींचा मुखवटा दर्शनासाठी ठेवला होता. महाद्वारातून दर्शनासाठी सोडले जात होते. दर्शन झाल्यानंतर भाविक हनुमान दरवाजातून बाहेर पडत होते..मकर संक्रांतीनिमित्त ओवसा वाहण्यासाठी दुपारी तीन नंतरचा मुहूर्त असल्यामुळे महिलांची गर्दी दुपारी तीन पर्यंत कमी होती; मात्र तीनपासून गर्दीचा ओघ वाढू लागला. मंदिरात ठिकठिकाणी महिला एकमेकींना सुगरणीचा वसा देत एकमेकींना हळदी-कुंकू लावून सन्मान करत होत्या..दरम्यान, एकादशी आणि संक्रांती एकाच दिवशी आल्याने भाविकांची विशेष गर्दी होती. पालिका चौक, चावडी चौक ते महाद्वार आणि शनिमंदिरात भाविकांची गर्दी होती. महाद्वार आणि इंद्रायणी तीरावर अतिक्रमणामुळे भाविकांना चालणेही कठीण झाले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
