मुळशी तालुक्यात शहराजवळील गावातील हायस्कूल सुरू करण्यात अडचणी

भुकूम (पुणे) : मुळशी तालुक्यातील शहराजवळील गावातील हायस्कूल सुरू करण्यास सर्व पालकांची संमती मिळत नाही. तसेच ग्रामपंचयतीही तयार नाहीत. त्यामुळे येथील हायस्कूल सुरू करण्यास अडचणी येत आहेत. तालुक्यातील पश्चिम भागातील हायस्कूल सुरू झाली आहेत.

''तालुक्यात भूगाव येथील हायस्कूलमध्ये दहावी इयत्तेत 88 विद्यार्थी आहेत. दरम्यान 40 पालकांनी संमती पत्रे दिली आहेत. नववी इयत्तेत 135 विद्यार्थी असून फक्त 45 पालकांनी संमती पत्रे दिली आहेत'' अशी माहिती मुख्यध्यापक जी. व्ही पाबळे यांनी दिली. त्यामुळे हायस्कूल सुरू करता आले नाही. तसेच घोटावडे येथील हायस्कूल अद्याप सुरू होऊ शकले नाही.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

दरम्यान, पश्चिम भागातील आंदगाव, रिहे, खांबोली येथील हायस्कूल सुरू झाली आहेत. आंदगाव येथे दहावी इयत्तेत 45 विद्यार्थी असून शासनाने सुचविल्या प्रमाणे (ता. 23) नोव्हेंबर पासून वेळेत सुरू करण्यात आले असे मुख्यध्यापक के. जे. पवार यांनी सांगितले.

तसेच घोटावडे येथील हायस्कूल 13 डिसेंबर पर्यंत सुरू करण्याचा प्रयत्न असल्याचे मुख्यध्यापिका एस. टी. वाळंज यांनी सांगितले. सर्व शिक्षकांची करोना तपासणी करण्यात आली आहे.  अंतर ठेऊन विद्यार्थ्यांना बसविण्यात येत आहे. तसेच पालक व शाळा समितीची बैठक घेऊन वर्ग सुरू करण्यात आले आहेत.