पंधारवाडीच्या सरपंच पदी दिगंबर निंबाळकर यांची निवड  

वडापुरी : पंधारवाडी (ता इंदापूर) येथील ता. 26 सप्टेंबरला झालेल्या ग्रामपंचायतीच्या पंचवार्षिक निवडणूकीत राष्ट्रवादी काँग्रेसचे दिगंबर दशरथ निंबाळकर सरपंच पदी निवडून आले आहेत. 

सरपंच पदासाठी या ठिकाणी 5 उमेदवार उभे राहिले होते. परंतु यावेळी सरपंच पद जनतेमधून असल्याने यावेळी जनतेने निंबाळकर यांना जास्त मतदान करून निवडून दिले आहे. निवडीनंतर ग्रामस्थांनी निंबाळकर यांचा सत्कार केला. यावेळी दिंगबर निंबाळकर म्हणाले कि सरपंच म्हणून गावाने मला निवडून दिले असून यापुढे गावाच्या सर्वांगीण विकासासाठी प्राधान्य देणार असून गावातील प्रलंबित कामे मार्गी लावणार असल्याचे सांगितले.