Wagholi News : महाराष्ट्र राज्य बाजार समिती सहकारी संघाच्या संचालकपदी सारीका हरगुडे यांची बिनविरोध निवड

वाघोली - महाराष्ट्र राज्य बाजार समिती सहकारी संघाच्या संचालकपदी केसनंद येथील संचालिका सारिका हरगुडे यांची बिनविरोध निवड झाली.

राज्यस्तरीय शिखर संस्थेच्या संचालक मंडळात रायगड/ठाणे व महिला प्रवर्गातील एक जागा रिक्त होती. त्याकरिता राज्य सहकारी निवडणूक प्राधिकरणाने महाराष्ट्र राज्य बाजार समिती सहकारी संघाची निवडणूक घेतली. निवडणूक अधिकारी म्हणून दिग्विजय आहेर यांनी काम पाहीले.

या निवडणूकीत पुणे बाजार समितीच्या संचालिका सारीका हरगुडे यांचा महिला प्रवर्गात एकमेव अर्ज आल्याने व अर्ज वैध ठरल्याने त्यांची महाराष्ट्र राज्य बाजार समिती सहकारी संघावर संचालक म्हणून बिनविरोध निवड करण्यात आली.

यावेळी संघाचे सभापती बाळासाहेब नाहाटा, उपसभापती संतोष सोमवंशी, संघाचे संचालक अशोकराव डक, माजी आमदार केशवराव मानकर, संघाचे सर्व संचालक तसेच संघाचे कार्यकारी संचालक किशोर कुलकर्णी उपस्थित होते.