Voter List : फुरसुंगी मतदार यादीत नाव न सापडल्याने नागरिकांची नाराजी

फुरसुंगी : मतदार यादीमध्ये मध्ये नाव न सापडल्याने फुरसुंगीमधील नागरिकांची पळापळ झाली.काही मतदारांचे मतदान केंद्र सासवड मधील केंद्रात राहत्या घरापासून वीस किलोमीटर लांब आल्याने नागरिकांकडून नाराजी व्यक्त होत होती.माजी उपसरपंचाचेच नाव यादीतून वगळल्याचा प्रकार फुरसुंगीमध्ये निदर्शनास आला.

संजय हरपळे (माजी उपसरपंच,फुरसुंगी):मतदार यादीमधील नाव वागल्याने मतदानापूर्वी अर्ज करून सांगितले होते.तरीही मतदार यादीमध्ये नाव आले नाही.आमच्या भागातील जवळपास पंधराशे नागरिकांची नावे वगळण्यात आली आहेत.अनेक नागरिक मतदानाच्या हक्कापासून वंचित राहिले.

सुरज गायकवाड (रहिवाशी, फुरसुंगी ): मी मतदान करण्यासाठी केंद्रावर आल्यानंतर यादीत नाव नसल्याचे समजले.निवडणूक निर्णय अधिकाऱयांना फोन करून ही बाब सांगितली. त्यांच्याकडून दुसऱ्या यादीत नाव आहे का तपासून सांगतो सांगण्यात आले.मात्र वेळ संपली पण मतदान करता आले नाही.ज्यांना मतदानाचा हक्क वाजवायचा आहे त्यांनाच मतदान करता आले नाही.