विभागीय आयुक्त म्हणतायेत, दुकानदारांनो, नियम मोडल्यास दुकानांचे परवाने रद्द

पुणे - पुण्यात कोरोना आवाक्‍याबाहेर जात असल्याने आता नियमांचे उल्लंघन करणाऱ्या व्यावसायिकांसह विनाकारण रस्त्यांवर उतरणाऱ्यांना धडा शिकविण्याची भूमिका प्रशासनाने घेतली आहे. लॉकडाउन शिथिलेतत वेळापत्रक ठरवून, सरसकट दुकाने उघडणाऱ्या दुकानदारांचे परवाने रद्द होणार आहेत; तसेच हॉटेलसमोर ग्राहकांची गर्दी दिसल्यास त्यांच्यावर कारवाई करण्यात येणार आहे. मास्क न बांधता फिरणाऱ्यांचीही गय केली जाणार नाही. 

कोरोनाला अटकाव घालण्याच्या उद्देशाने विभागीय आयुक्त दीपक म्हैसेकर यांनी नवा आदेश काढून, बेजबाबदार व्यापारी, नागरिकांवर कारवाईच्या सूचना दिल्या आहेत. एका बाजारपेठांमधील त्या-त्या रस्त्यांवरील दुकाने दिवसाआड सुरू करण्याचा निर्णय झाला आहे. तरीही बहुतांश दुकाने उघडली जात आहेत. या पार्श्वभूमीवर कठोर उपाययोजना राबवली जाणार आहे. 

ताज्या बातम्यांसाठी डाऊनलोड करा ई-सकाळचे ऍप   

शहरातील बाधित क्षेत्रातील नागरिकांच्या हालचालीवर लक्ष ठेवण्याच्या सूचना करताना चौकात गप्पा मारणे, पत्ते खेळणे, बाजारात गर्दी करणाऱ्यांविरोधात कारवाईचा आदेश दिला आहे. या भागांवर वचक ठेवण्यासाठी स्थानिक लोकप्रतिनिधींवर जबाबदारी सोपविण्याचा सल्ला म्हैसेकर यांनी महापालिका आयुक्त, पोलिस आयुक्त आणि जिल्हाधिकाऱ्यांना दिला आहे. 

पुण्याच्या बातम्या वाचण्यासाठी येथे ► क्लिक करा

वाहनांची तपासणी होणार 
सध्या मोठ्या प्रमाणात वाहने रस्त्यांवर येत असल्याकडे म्हैसेकर यांनी लक्ष वेधले आहे. बाधित क्षेत्रासह सर्व भागांत ये-जा करणाऱ्या वाहनांची तपासणी करण्याचा आदेशही त्यांनी दिला आहे. त्याशिवाय, लग्ना समारंभात गर्दी झाल्यास संबंधित कार्यालयाचाही परवाना रद्द होणार आहे. 

पिंपरी चिंचवडच्या बातम्या वाचण्यासाठी येथे ► क्लिक करा