पुणे - उपचाराचे पैसे मागितल्याच्या रागातून मद्यपी तरुणाने डॉक्टरांना धक्काबुक्की करत रुग्णालयात तोडफोड केल्याची घटना लोणी काळभोर परिसरात घडली. .या प्रकरणी संबंधित डॉक्टरांनी (वय ३७, रा. लोणी काळभोर) यांनी फिर्याद दिली आहे. त्यानुसार संतोष रमेश गुंजाळ (वय ३५, रा. काकडे वस्ती, थेऊर) याच्याविरुद्ध गुन्हा दाखल करण्यात आला आहे..पोलिसांनी दिलेल्या माहितीनुसार, फिर्यादी डॉक्टरांचे पुणे-सोलापूर रस्त्यावरील थेऊर फाटा येथे रुग्णालय आहे. बुधवारी (ता. १८) दुपारी पावणेएकच्या सुमारास आरोपी गुंजाळ हा डोक्याला दुखापत झाल्याने रुग्णालयात आला होता..डॉक्टरांनी त्याच्यावर मलमपट्टी करून उपचार केले. उपचाराचे पैसे मागितल्यावर गुंजाळने पैसे देण्यास नकार देत डॉक्टर आणि कर्मचाऱ्यांना शिवीगाळ केली. त्यानंतर त्याने गोंधळ घालत दगडाने रुग्णालयाच्या काचेचा दरवाजा फोडला. फुटलेल्या काचेचा तुकडा एका रुग्णाच्या हाताला लागून तो जखमी झाला. तसेच, आरोपीने डॉक्टरांवर दगड फेकून मारल्याने तेही जखमी झाले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
