शिरूर - हुंडा म्हणून माहेराहून पैसै आणण्यासाठी विवाहितेला उपाशी ठेवत, शिवीगाळ, दमदाटी करून शारीरीक व मानसिक छळ केल्याप्रकरणी जवळे (ता. पारनेर, जि. अहिल्यानगर) येथील विवाहितेच्या पतीसह सासरच्या मंडळींविरूद्ध शिरूर पोलिसांनी गुन्हा दाखल केला. .मोहिनी उर्फ रेश्मा अनिल सालके (वय-३४, सध्या रा. बाबूराव नगर, शिरूर, जि. पुणे) असे पिडीत विवाहीतेचे नाव असून, ती येथील माजी सैनिक बाळासाहेब शेवाळे यांची मुलगी आहे. त्यांनी दिलेल्या फिर्यादीनूसार पती अनिल सुरेश सालके, सासू शैलाबाई सुरेश सालके, सासरे सुरेश दगडू सालके, दीर गणेश सुरेश सालके, जाऊ रेश्मा गणेश सालके यांच्याविरूद्ध विवाहितेचा छळ, जाचहाट केल्याप्रकरणी गुन्हा दाखल झाला आहे..पोलिसांनी दिलेल्या माहितीनूसार, मोहिनी व अनिल यांचे १२ वर्षांपूर्वी लग्न झाले. सुरवातीचे वर्षभर आनंदात गेल्यानंतर कौटुंबिक गरजांसाठी सासरच्या मंडळींनी माहेराहून पैसे घेऊन येण्यास मोहिनीकडे तगादा लावायला सुरवात केली. यातून वाद झाल्यानंतर पती - पत्नी शिरूर येथे बाबूराव नगर व स्टेट बॅंक कॉलनी येथे स्वतंत्रपणे राहायला आले..मात्र, तरीही सासरच्या मंडळींची पैशांची मागणी कायम राहिली. त्यातून शिवीगाळ करून मारहाण करणे, उपाशी ठेवणे, हाकलून देण्याचा प्रयत्न करणे असे प्रकार वारंवार घडल्यानंतर मोहिनी यांनी शिरूर पोलिसांकडे धाव घेत फिर्याद दिली..त्यांच्या फिर्यादीवरून पतीसह सासरच्या मंडळींविरूद्ध शिरूर पोलिसांनी गुन्हा दाखल केला असून, पोलिस निरीक्षक श्रीशैल चिवडशेट्टी यांच्या मार्गदर्शनाखाली पोलिस हवालदार उमेश भगत पुढील तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.